[الملاك الأبيض]

المشاركة الأصلية كتبت بواسطة anoodah اليوم وحده من صديقاتي تقولي نقرا النصوص بالعربي عشان نفهم اكثر ولازم نعرف كل شي عن الشخصيات والثيم وكل الكلام ذا الله المستعان احس بالعربي قويه مين نفعت معاه ذي الحركه

تعرفي انودة لما اخذت مادة الدراما وحدة من البنات نصحتني بنفس الشي . ولكن الاستاذة قالت لاتقرو النصوص بالعربي . لانو الترجمة احيانا تضيع بعض المعاني .كمان شي ثاني بعض الاستاذات يجيبو اقتباسات من الرواية او القصة وتقول مين القائل ؟ ساعتها كيف بتعرفي ؟

طبعا الترم الماضي ماجابت لنا اقتباسات ولكن ماتقدري تضمني هذا الشي كل مرة .

استراتيجية الاخ المسير الي قال عنها ممكن تنفع لو ماعندك وقت ومضغوطة ساعتها ممكن تقري بالعربي . ولكن حتى تفهمي المادة والنصوص بشكل كامل نصيحة اقرايها انجلش ولو ماعندك وقت يصير اقري السومري حتى تفهمي القصة عن ايش تتكلم وادخلي في التحليل وافهميه .

وصحيح اهم شي تركزي عليه هو الثيمات والشخصيات >> الشخصيات عادة يجي عنها سؤال انو ليش الشخصية الفلانية تصرفت بهالطريقة وايش كان شعوره وايش علاقة هذا السيمبول بالشخصية الفلانية .

يعني الخلاصة انو لازم تركزو على عناصر الدراما الرئيسية الي هي الثيمز والشخصيات والستايل والسيتينق مهم جداااااااا والسيمبولز لانو معظم الاسئلة تدور على هذي العناصر ..
موفقين ياارب