[الملاك الأبيض]

واو بصراحة يااختي كسبت في البنات اجر انك فتحت هذا لموضوع لانو خلتيهم يعبروا عن اللي بداخلهم كانهم على كرسي طبيب نفسي . على العموم انا لما قريت تعليقاتكم وكلامكم ماصدقت لانو في كل رد احس انو انا اللي اكتب
ا وطبعا مين اللي فينا ماعاش هذي التجربة انو تمشي في الجامعة لوحدك بلا اي حدا جنبك ولما تيجي تتعرفي على حدا في الوقت القصير المتاح لنا نحن بنات الانتساب غالبا مانواجه بالصدود لانه مافي وقت للتعرف او الطالبات يكونوا مكتفيات من شلتهن ومايبغوا اي اضافة . ايام كتيرة كنت ارجع البيت مكتأبة وزعلانة لانو مش هاي فكرتي عن الجامعة والصداقة بس في النهاية تعرفت على بنت قمة في الاخلاق والمعاملة بقيت معها لمدة سنة وحدة والحين هي تزوجت وسافرت والله يسهل لها ويسعدها .
أما انا فرجعت كما كنت ولله الحمد" وحداني وهاعيش كيدا وحداني " بس اذا كنت استفدت شي من السنة اللي عدت راح يكون عبرة وحدة قالتها الي مرة صاحبيتي انو ليست العبرة ان يكون لك مئة صديق في
عام بل ان يكون لك صديق لمئة عام . وهذا الصح برأيي واذا الانسان لقى هذا الصديق مايفرط فيه ابدا مهما بعدت المسافات .وانا من تجربة شخصية انو تعرفت على بنت في اخر مرحلة ثانوية وتصاحبنا وانا نقلت لجدة وهي راحت ابها تدرس طب وخلال ست سنوات لم يمر شهر دون ان تسأل عني وتكلمني وكمان تجلس معي على الجوال لمدة ساعة واحيانا ساعة ونص وماتمل رغم انو انا مقصرة معها . صديق زي كذا يجبرك غصبا عنك تحبه وتكون جنبه مهما باعدت بينككم المسافات وفرقت بينكم الايام . وسلامتكم .