رد: الفزعة ياعيال ماأعرف شي عن النظام البلاك ورد
عليكم السسلام ورحمة الله وبركاته
طريقة دخولك للبلاك بورد كالتالي
ادخل موقع الجامعه ثم اضغط ع كلمة الخدمات الالكترونيه
همن ارعص كلمة نظام بلاك بورد
يبي يدخلك ع صفحة اكتب قيها رقمك الجامعي
والباس
الباس تكتب من اليسار لليمين
Aa
همن ابداء كتابة رقم الهويه من ثاني رقم
مثلاً رقم هويتك 1068888999
تكتب تسذا >~
Aa068888999
يشترط كتابه الاي الاولى كبتل والثانيه سمول
ويبي يدخلك صفحة البلاك بورد
بتحصل شريط اخضر فوق بوه كلمة المقررراات الدراسيه
ارعص عليه وبتطلع لك المواد المقررره عليك مع اسماء المدرسين
اضغط الماده اللي تبي تدخل محاضرتها
همن اضغط كلمة ع اليمين ب المستطيل اسمها الفصول الافتراضيه
بتجيك خانتين خانة للانضمام للفصل اون لاين وخانه التسجيلات للتسجيل المحاضرات والاستماع لها وقت ماتبي
خليك ع خانة اليمين مب التسجيلات وقت المحاضره
همن الانضمام الى الفصل
وبيدخلك الكلاس
طبعاً يشترط الحضور لان 4 محاضرات غياب بيصير للطالب حرمان ... وبعضهم يقولون لنا لا دخولك للتسجيل خلال اسبوع من المحاضره يعتبر حضور
وبوه فوق كلمة مكتوب دروس تعليميه هذا بيعلمك كل شي ب البلاك
اتمنى وضحت لك الصوره
واذا بوه اي سوال حياك
والمعذره
|