[Andalus ~]

المشاركة الأصلية كتبت بواسطة hamad2oo8 نصيحتك غالية علي اخوي .. لكن هل تتوقع التخرج لي وبمعدل مريح نوعا ما .. بحكم خبرتك بهالمجال ولك خالص دعواتي بالتوفيق لك

معليش عالمداخلة
انا لية 6 شهور بدور على وظيفة
و اللي مصبرني انو الأرزاق مكتوبة و محد حيموت قبل لا يخلص رزقه
لكن حسب اللي شفته في جميع الوظايف اللي قدمت عليها
انو ما يهتمو بالنسبة أبدا قد ما يكون كلامك واستخدامك لمهارات اللغة ممتازة
آخر شي يفكرو فيه النسبة
لأنو في التخصص بتدرس لغويات و أدب و ممكن ما تكون شاطر في المجالين دي
لكن مو معناها انك فاشل في الإنجليزي .. لا أبدا
أعرف ناس تتكلم و تكتب (( بلبل )) لكن للأسف فحّطو في القسم وخرجو
لأنهم ما حبّو لا الأدب و لا اللغويات
و غيرهم أعرفهم دارسين برة في بريطانيا و بلابل و داخلين على أساس ياخدو الشهادة ببلاش
من سهولتها بما إنهم بلابل و النتيجة طلعو من القسم لنفس السبب
ما اتوقعو يدرسو أدب و لغويات
و لية فترة بأقنع وحدة من البنات تحول من القسم لأنها حاملة المواد الأولى 4 أترام
أقلها حرام نفس المواد تاخديها 4 مرات ،، مهي راضية تحول عشان ما يقولو الناس فشلت في الانجليزي ..
قلتلها انتي ما فشلتي في الإنجليزي .. لكن الادب و اللغويات مهم مجالك
حولي و اكسبي فلوسك

العمل :
يهمهم شهادة البكالوريوس + مهارات اللغة فقط
ما ينظرو لا للمعدل و لا نوعية الشهادة خصوصا لو كانت بكالوريوس انجلش