[بيو كيميائية ^_^]

المشاركة الأصلية كتبت بواسطة جيزان بيو حبيبتي ي قلبي اعتبري نفسك في الصيفية ولسى مااتخرجتي وباقي لك السنة الجاية لاتيأسي ولاتستعجلي انتي لسا مااخذتي الوثيقة ولا كملتي 3 شهور على التخرج اكيد في البدايه راح تتعبي لحد ماتلاقي وظيفة بس صدقيني راح تلاقي عندك هيئه الغذاء والدواء انا سمعت انه مافي بنات بس قبل كم شهر اتصلت ورد عليا واحد وقالي ايوا في بنات عندنا حتى فكرت اني ابطل من الهندسة الوراثيه وادخل احياء دقيقه <<ايوا باركيلي حولت السليمانية عشان هذا الهندسة الوراثيه ,,, ولكن اوقات احس بندم السليمانية مررة كبيرة ومشاويرها كثيرة وفوق هذا قديمة مرررة فرق عن الفيصلية ,,,, روحت اول يومين في الصيفي عشان اشوف الاوضاع وقولت خلاص برجع الفيصلية والبنات يقولون الخلية صعبه والاسئله تكتبها الدكتورة فاتن وتجيب مقالي وفعلا اشوف الدرجات كلها بين 65 و75 وتحطمت بقوووووة,,,, ورجعت البيت استخرت وخلاص في بالي ارجع الفيصلية صحيت الصباح وانا مقررة خلاص ودخلت العمادة سبحان الله ماادري ايش اللي سار فجأه بطلت وغيرت رأيي حتى اهلي ماااصدقوا قررت اني اكمل في السليمانية وببذل جهدي كله في الخلية وبإذن الله a+ والله يكتب لي نصيب في الوراثة اهم حاجة خرجت من الموضوع مثل ماابقولك لسا بدري عليكي الطفش ,,,, الناس تتخرج طب وتجلس سنة انتي شوفي واسألي وسوي اللي تقدري عليه + اذا لغتك مومرررة قوي نفسك اكتر وادخلي معهدواختبري التوفل وقدمي ماستر السنة الجاية اهم حاجة الله يرضى عليكي لاتجلس كذا تفكري واعتبريها اجازة صيفية ولسى باقي لك السنة الجاية شوفي المصانع اللي في جدة افتكر مرة قولتي صاحبتك في مصنع اغذية روحي مستشفى الحرس اللي هنا بجدة سمعت عندهم برنامج سحب دم وتدريب كم شهر بعدين وظائف 6 الاف يعني شي حلو كبداية لكي وفيه وفيه كتير اهم شي لاتيأسي وان شاءالله بإذن الله تبشرينا بأحسن وظيفة انقبلتي فيها وبدعيلك ياقمررر

أنا أصلًا ماأحب الإجازات :( بس أحس بنقله من الحياة الجامعية إلى الحياة الفارغة وهذا اللي أتعبني :( لازمـ أتأقلم عليها

قدمـت فيها قلت عشان لو طلبوا بنات أول وحدة أنا

ماشاء الله ألف مبروووكـ ولا تسمعي كلام البنات ولا تتراجعي خليكِ في السلمانية

عشان تدخلين الجينومـ ولا تغيري كونك حابته

وعلى البيولجي هي فعلًا صعبة لكن مو معناتها مابتجيبي درجات عندك الدوريات مو موحدة جيبي الفل ماركـ واللاب كمان الفل مارك جيبي

والفاينل هو الموحد ويعتمد على الفهم

أنا على سنتي كان كله إختياري

بس بعدين صار فيه كم سؤال مقالي

بس عشان تجيبي درجات كوني مع دكتورة تعرف تشرح مثل نيفين فاتن عشان تفهمين

وذاكري بإستمرار ومابتقلي عن 90

لما أحد يقول لك مادة صعبة أو الدكتورة سيئة لا تحطي في بالكـ بصورة سلبية إعتبريه تحدي عشان تجيبي الدرجات العالية

لو كنت في جدة كان كنت أشتغل بس للأسف مصانع الدمامـ مافيها بنات :(

بس لازمـ أصبر وإن شاء الله أتوظف قريب

مشكورة جيزان <3