هايات صبايا كيفكم ياحلوين هذي موادي اللي نزلتها دا الترم
وحضرت محاضراتها ..
مالية شركات مع سحر مهران
ادارة موارد بشريه ريم مشاط
ادارة عمليات امل دمنهوري
سلوك انساني سمر عناني
محاسبه 102 فاطمه كمال
اولا : لمالية شركات
الفصول اللي معانا من 1 الى 5 + 10 ..
اما اسم الكتاب لو حابهط تشتري ادارة تمويل الشركات لعزة ميداني ..
طريقة المذاكره : من محاضرات الدكتوره والتمارين اللي توزعها في المحاضره فقط لاغير
ولا .. لا .. لااااااا للكتاب ..
وبصراحه انا حملت ملزمة عطر الغلا لانها تشمل محاضرات الدكتوره + التمارين محلوله
بالعربي وباختصااااار ذاكري من الملزمه تبع عطوره وبس ..
هذي ملزمه عطر الغلا حمليها وصوريها وانعمي بمذاكره جميله ههههه<< انفع دعايات
ثانيا : ادارة موارد بشريه ..
الفصول اللي معانا من ف1 الى ف11 +ف16
طريقة المذاكره: تقول الدكتوره من السلايدات + الكتاب
طبعا على حسب كلامها انو السلايدات ماتكفي
وهنا حتلاقي سلايدات محاضرات الدكتوره ريم مشاط ..
وهنا تجميع للمحاضرات اللي في العرض في ملخص واحد للاخت عطر الغلا لتسهيل المذاكره
ثالثا ادارة عمليات
الفصول المحذوفه ف6 و ف8 والباقي معانا
طريقة المذاكره من السلايدات تبع الدكتوره وراح تلاقيها في دا الرابط
وفي ملزمه مره حلوه لام رنيم كل اللي في السلايدات موجود فيها بس شوية نقص تقدري تكمليهم من هناك +اسئلة اختبار
انا بصراحه حملتها وطبعتها لان المذاكره من الملزمه اسهل من الكمبيوتر..
وانتي براحتك
حتلاقي الملزمه على دا الرابط
وسامحوني لو قصرت في حاجه اونسيت اذكر حاجه
عالعموم انا اضمنلكم انو تذاكروا من المذكور فوق فقط لا تحوسون بين ملخصات كتير قديمه وجديده والكتاب راح تضيعوا وتتلخبطوا ..
إن شاء الله اكمل باقي موادي بكرا
دعواتكم لي انو ربي يوفقني ويسخرلي زوجي ويحفظ ابني من كل شر ..