01-09-2012, 05:18 PM
|
#5
|
أصلاً أنا أحب الحاسب عادي
تاريخ التسجيل: Jul 2011
كلية: كلية الحاسبات وتقنية المعلومات
التخصص: ما احبه
نوع الدراسة: إنتظام
المستوى: متخرج
البلد: اوربا
الجنس: ذكر
المشاركات: 1,385
|
رد: أول يوم دراسي .. تقرير مبسط ( الكل يشارك )
لالالالالا ..... لاززززم اقول لكم سالفتي :)
زيكم زيكم لحد يعصب علي
،،،،،،،
والله انا بدأت يومي الجميل هذا بنشاط ومرح وثقافة وعلم ووشسمه وكافتيريا القريات الشعبية
انا عادة اصحى من النوم الساعة 4:30 للصلاة
صحيت اليوم .. وكالعادة جلست منسدح فوق السرير الى الساعة 5
ووقمت من السرير وجلست اتمغط الى الساعة 6
وقمت من التمغط وشربت موية ... ورجعت انسدحت (( ارتاح شوي من التعب ))
و قمت مرة ثانية الساعة 8 ... وجلست اتمغط " الشوط الثاني " الى الساعة 9
قمت الساعة 9 وتروشت ولبست وكشخت ونزلت ركبت السيارة ... ولكنننننننننننننننننننننن
اكتشفت المفاجأة الكبرى في السيارة ..................... وهي أني سألت نفسي :
أنا ليش قمت وتروشت وجيت هنا !!!!؟؟؟؟
بصراحة ماعندي جواب لهذا السؤال الى حد الآن ! ولكن كل اللي اعرفه
اني شغلت السيارة وطلعت من الحارة وانا ما أدري وين اروح ؟؟
رحت على كافتيريا القريات ... وأضرب من الكبدة يا معللللللم .. حتى طلعت من الكافتيريا وانا زي هذا
بعدها ... بدأ المخ عندي يشتغل !!
وبدأت أعي الواقع وبدأ حبل افكاري يتواصل .... الى ان استنتجت في الاخير ..
اني " لازم اروح الجامعة " عشان اضيف الثقافة الاسلامية !!
( لا تلوموني ترى قبل الفطور يصير لي تناحة غير طبيعية وزهايمر بعض الاحيان )
المهم .. شغلت الموتر وطلعت السريع ( متجه للجامعة ) بكل أدب وذوق وعدم سرعة وعدم مساقطه
وترى ساهر ماصورني!!
وانا في هذه المعركة الضروس في الخط السريع بيني وبين سائقي الشاحنات وردني اتصال هاتفي
اطالع في الجوال ؟؟ " نواف " يتصل بك !!
الو .. هلا والله .. الحمد لله بخير .... في الجامعة !! طيب انا جاييك لا تتحرك !!
لالا انا الحين جاييك ... طيب تدري؟ خلينا نتقابل عند " مقهى الميلاف "
وصلت عند مقهى الميلاف ... شوي الا نواف عندي ... هلا والله وكيف الحال ورسميات ..
انا : يالله وش رايك نروح الجامعة ؟ عندي شوي شغلات هناك
نواف : والله حتى انا مثلك .. مشينا !!
انا : مشينا .
نواف : بس ياخي .. دامنا وصلنا عند القهوة .. وش رايك نطق لنا رأسين معسل ونروح الجامعة ومرووووقين أحلى كلام
انا : بس ياخي يمكن نتأخر !! خليها اذا خلصنا
نواف : لا يارجال مانتأخر كلها نص ساعة ... وبعدين ترا واحنا راجعين يمكن مانقدر كل واحد بيروح طريق ثاني !!
انا : تدري ؟؟ قدام
واطقها القهوة وأصك أحلى رااس معسل وضحك وفلة
خلصنا الساعة 12 "" هذي النص ساعة حقت نواف لابارك الله في ابليسه ""
قررنا نروح الجامعة ... وفي طريقنا للجامعة شفنا شيء مانقدر ناقومه
شيء أتحدا اي شخص سعودي في الضهر يقاوم هذا الشيء
انه مطعم " ريدان " يا سادة
وأحححححللللى كبسسة .. وضحك وسوالف
وصارت الساعة 1:30
بعد الكبسة !! كل واحد ماعاد يقدر يحرك نفسه
نواف : وش رايك نأجلها بكرة ! والله مافيني منراح الجامعة واسياب ومشي !!!!
انا : اي والله ..
،،،،،،
وهكذا يا سادة انتهت القصة برجوعي الى البييت خالي الوفاض
بغيت اروح الجامعة وبغيت اضيف وبغيت اعدل ! وبغيت وبغيت وبغيت !!
ولكن في الاخير .. كل اللي سويته
رحت شيشت ( قصدي عسلت ) ورحت كافتيريا القريات ورحت مطعم ريدان وبس !
ويا شباب ترى في الخط السريع بعد كبري فلسطين وانت رايح المطار في سيارة باص ساهر
انتبهوا منه :)
وسلامتكم
|
|
سبحان الله وبحمده ، سبحان الله العظيم
|
التعديل الأخير تم بواسطة سملّق :) ; 01-09-2012 الساعة 05:21 PM.
|
|
|