السلام عليكم ورحمة الله وبركاته
اليوم السبت اختبرنا فرنسي في منطقة الرياض
الاختبار لم يخرج عن الورقات الخمس الموجوده في المنتدى ماعدا الايام
طبعا انا كنت نموذج (ب)
وراح اوضح الاسئلة اللي جتني قدر المستطاع للفائده
السؤال الاول كان عباره عن 10 كلمات ويطلب منك تضع علامة التأنيث او التذكير وهي من ضمن الكلمات الموجوده في الصفحه الاولى
السؤال الثاني اعطانا خمس افعال وكل فعل طلب منه تصريفين طبعا هو يحدد لك التصريف وانت تكتبه
السؤال الثالث عشر فقرات كانت صح وخطا
السؤال الرابع كان عن الايام كاتب لك اول يوم وطالب منك تكمل البقية طبعا كتابة لازم تحفظ الاسبيلنق
السؤال الخامس كان عباره عن الجملتين الموجوده اخر الصفحات تحت اللي اجابتها نعم او لا
السؤال السادس جايب لنا خمس فقرات للساعه طبعا جايب الساعة كتابة وانت تكتب امامها بالارقام
السؤال السابع كان عباره عن اربع كلمات يطلب منك تحولها من المذكر الى المؤنث
واعتقد هذي الاسئلة كاملة مانسيت منها شي ولله الحمد ولو نسيت شي منها فاتمنى من الاخوان اللي اختبروا يكتبونها
عندي فقط اضافه صغيره ومفيده جدا انا استفدت منها في اختبار الفرنسي في حفظ الكلمات بالذات
طبعا هو محدد لنا 37 مؤنث و42 كلمة مذكر اذا تبي تحفظهم راح تواجه صعوبة ولكن فيه قاعده ذكرها لي مدرس واختصرت علي المشوار وحبيت افيدكم فيها اللي هي غالبا كلمات الفرنسية المؤنثه منتهيه بحرف e
ولو لاحضت الكلمات المؤنثه راح توضح لك الصوره طبعا ماعدا تقريبا خمس كلمات انت احفظ الخمس كلمات الشاذه والبقيه مافي داعي تحفظهم ركز على حرف e فقط وكذلك ركز على المذكر فيه تقريبا 7 تنتهي بنفس حروف المؤنثه احفظهم علشان مايلخبطون عليك وبكذا تختصر حفظ السبعين كلمه بعشر كلمات
واسأل الله لي ولكم التوفيق في الدارين