<ماحصلت عنوان افضل من كذا
السلام عليكم
اتمنى مكان موضوعي انا انتهيت من السنه التحضيريه وحبيت احط موضوعي هنا لانكم كلكم
متخصصين واكيد عندكم الخبره الكافيه
انا انتهيت من التحضيري ومعدلي 4.35 وحطيت الرغبه الاولى كليه الاداب
انا طموحي اني اصير بأذن الله مترجمه متمكنه لدرجه الناس تفرح لمن تعرف اني رح اترجم الكتاب الفلاني
ومن كنت صغيره احب اتعلم لغات مختلفه والقط كلمات مختلفه من كل لغه لكن للاسف لين ذحين ما تعلمت اي لغه ب100%
المهم سؤالي هو انا بصراحه محتاره بين اني ادخل انجلش او فرنسي
انا اعطي لغتي الانجليزيه 60% علما باني مادرست ليفل ون وتو لارحت للثالث على طول جبت بالثالث A والرابع B+
فجالسه اقول لنفسي يمديني ادخل فرنسي ولغتي الانجليزيه اطورها بنفسي مع الوقت فايش رايكم هل
كلامي صحيح ؟ الشخص اللي مو متمكن من الانجلش 100% ووده يدخل لغه فرنسيه تنصحونه يدخل ولا بتكون صعبه عليه ؟ ولا تنصحوني ادخل انجلش اول وبعدين افكر ادرس فرنسي
ادري هذا شي مصيري انا اقرره بس ابغا اخذ رايكم
واللي تخصصهم فرنسي لمن دخلتوه كان عندكم خبره فيه ولالا ؟
وبرضوا بسالكم ذحين انا دخلت قسم اللغات الاوربيه ابغا اشوف الخطط واحترت
http://art.kau.edu.sa/content.aspx?S...www.kau.edu.sa
حصلت الثلاثه اقسام هاذي ! هل يعني اذا انقبلت في كليه الاداب وتسكنت لغات اروبيه رح يخيروني بين الثلاثه هذولي كتخصص ؟ او حدرسهم الثلاثه سوا !
وهل في اختبار قبول لقسم اللغات الاوربيه ؟
واعذروني عالاطاله وماخاب من استشار
