رد: حابه تتعرفي ؟؟ تعالي معايا شوفي (مقطع روووعه)
فكـرة المقطع مو بطالة
لكن من أكبر عيوبه انو اعتمد على أسلوب التحقير
أسوأ اسلوب للنصح هو أسلوب التحقير
لأنو عمرو ما نفع ولا حينفع
بالعكس بيزيد المشكلة أكتر واكتر
هدا شي
تاني شي زي ما قال متطلع ما ينفع نمنع الاولاد عن البنات
الاختلاط موجود وجاي اكتر واكتر في السنين الجية
لمتى حنفضل كدا؟؟
لازم شبابنا وبناتنا يتعلموا كيف يتكلموا مع الجنس الاخر
يفضلوا طول الوقت محرومين من اي كونتاكت بينهم وفجأة يلاقي الواحد نفسو في كندا ولا فامريكا ولا استراليا عشان يكمل دراستو مسلا
واللي جالسة جنبو في الكلاس بنت واللي تدرسو بنت وصاحبة البيت بنت وجارتو بنت
والعكس صحيح
فجأة يلاقوا نفسهم متضطرين يتعاملو مع الجنس الاخر بشكل طبيعي كأنو بيتعامل مع ابناء جنسه
وبعدين يقولك سمعة اولاد بلدنا مو كويسة
مو لأنهم خرجوا لدنيا تانية كل شي فيها مسموح فشي طبيعي يكونوا زي المفاجيع
لازم يتعلموا كيف يتعاملوا مع الجنس الاخر ايش المسموح في العلاقات العامة معاهم وايش الممنوع
ما ينفع والله واحد يتخرج من الجامعة ويدخل سوق العمل ولا يسافر برا وهوا ما يعرف كيف يتعامل مع موظفة معاه ولا اي انثى تقابله
والبنت نفس الشي
لازم الاتنين يعرفوا كيف يتعاملوا مع الجنس الاخر في حدود
لازم يعرفوا انو والله احنا لازم يكون بيننا كونتاكت ما يتعدى الخطوط الحمرا عشان نعرف كيف نوصل لهدفنا سوا سواء كان في العمل ولا في المجتمع بشكل عام
يسلمووو حبيبتي شموع
|