[فروته]

يا صبايا و يا شباب اشبكم لا تخاافووا

التأهيلي والانتظام مافي فرق بينهم ابدا الا بوقت الدوام و المكافآت

و عمادة خدمة المجتمع مب معناها كلية مجتمع هذي عمادة زي عمادة القبول و التسجيل بس هي مسؤولة عن طلاب التأهيلي و اعتقد كمان الانتساب و ما ادري مين كمان

ونفس الكتب تدرسوا و الاختبار بنفس اليوم و الوقت و نفس الاختبار بالضببببببببببببببببط وانا كنت ادرس تأهيلي و صاحبتي كانت انتظام لكن تدينا احصاء نفس الدكتووورة

يعني مرة ما تفرقوا عنهم بشي و كلها بس تخلصوا السنة التحضيرية كاملة مكملة و تختاروا التخصص اللي تبغوه بالجامعة و تصيروا السنة اللي بعدها انتظام بمكافآت بس لازم المعدل ما يكون اقل من 3

وبالنسبة لسؤال مهاوي عن الانقلش

لو كنتي علمي سواء كنتي انتظام انتقالي تأهيلي نفس الكتب زي ما قلت و نفس كل شي بالضببببببببط

حتدرسي طول السنة التحضيرية احصاء واحياء و رياضيات و كيمياء و فيزياء و مستويين انقلش وحاسب و مهارات اتصال

كل المواد بالانقلش حتى الاختبار بالانقلش بس ترى الشرح بالعربي الا الحاسب و المهارات

راح يكون التطبيق بالحاسب على الجهاز بالانقلش بس الاختبار عربي و المهارات عربي اختبار و شرح و كتاب و كله


اما بالنسبة للاداري و كمان نفس الكلام انتظام و انتقالي و تأهيلي كله زي بعض بالكتب و المواد و المحاضرات و كل شي

حيكون كل الموااااااااااد بالعربي الا الانقلش طبعا


ان شاء الله اكون افدتكم بشي :)