[صـودي]

بالتوفيق للجميع من جد يسلمو على الموضوع لانو مرا نايس

صراحه لو اني انسال عن احلى يوم في حياتي لاقول هو يوم طلوع النتايج لانو صراحه كان يوم خيالي انا من الاساس ماكنت اعرف انو حتطلع النتايج لاني حاطه في بالي انها الاربعا اللي بعدو مراا ماتوقعت انها قريبه كانت ليله عاديه بالنسبه لي بعدها صحاني بابا الساعه 11 قالي انو سمع النتايج حتكون اليوم قمت ناظرت بابا قلت اكيد يمزح رجعت كملت نووم الين الظهر كان يوم عادي الين اتصلت علي وحده من صحباتي قالت انو النتايج طلعت وكدا اخيرا قررت اني افتح الاودس يعني كنت اقول معقوله << كل دا ولاصدقت
بعدها انفتحت صفحت الاودس وااااو كانت اكبر مفاجأه في حياتي مرا ماكنت متوقعه ادخل الطب لمن شفت الصفحه اختي كانت تنتظرني من بعيد وتقول ايش صار انا ناظرت واتاكدت من الموضوع بعدها انفجرت ضحك ضحكت الين بكيت بعدها عرفت اختي وجت جنبي وقعدنا نبكي البيت سمعوا صوت البكي مايدرون ايش الهرجه لمن شافونا قعدوا يضحكون بعدها كلمت ماما وقلت لها اني انقبلت سمعت صرختها بعدها اختفى الصوت خخخخخخخخخ ماتحملت امي الخبر
بعدها امي استوعبت وقعدت تبكي كان يوم ولا في الاحلام ليلتها روحنا الشلال صراخ وفللله حمدلله يارب اللي حقق الحلم
يسلموو على الموضوع