مشكور يا أخوي ولا قصرت....
انا ولله الحمد راضيه بقضاء الله وقدره وانا استخرت الله قبل تقديمي للجامعة واحمد ربي بكل الأحوال وربي الإختار لي ..
انا يا أخوي الي اقدر عليه ما قصرت فيه وقت التقديم اسأل المسؤلات فيه ايش طرقة الأسئلة عن ايش هي بالضبط في كتب او مراجع تفيدني.. والله ما لقيت اجابة نافعه.. ما نعرف ما ندري ..
اوكي مو مشكله اقتنيت كتاب مفيد في تقنيات تعليم وجابو منه في اختبار قبول جامعة الملك سعود بقسم التقنيات.. انعمت عيوني وانا اقرى فيه واعيد واراجع كان بليلة الإمتحان لأن مثل ما ذكرت ما عرفت ان فيه امتحان الا قبل يوم..
ولله الحمد وما ادري وين الخيره فيه.. كان مقطوع النت عندي ليش الى الحين ما ادري وانا كنت اشتغل بكنكت .. والأبراج ما تشبك معي .. المهم رحت الأمتحان والا العالم معها اوراق وتقرى وتحفظ .. وش السالفه رجه ما تتخيل كيف كان شكلهم...
المهم جلست بقاعه بجنب وحده الله يرضى عليها ويوفقها وادعيلها ربي يكتب لها الخير في دربها .,
معها من ذي الأوراق اعطتني مجموعه منها قالت اقريها وانا جايه قبل الأمتحان بساعتين من الخوف والرجة.. المهم قعدت اقرى الا هي أسئلة واجوبه واحصاء على اساليب تربويه على علم نفس على خرابيط ثانيه ..
وش السالفه من وين جايبينه..
قالوا من المنتدى اسلئة فرع القصيم بعد امتحان القبول حقهم كتبوها ..
انا ما عندي نت ولا ادري وش الي صاير .. والحمد لله على كل حال ..
الي كانت معهم الأسئلة وحفظوها من الي تعرفت عليهم انقبلوا .. والي مثل حالاتي قعدوا فيها ..
انا قصدي بالموضوع المفروض تصير فيه اليه في تنسيق القبول يعطون الناس وجه لما يسألون يدلونهم على الأقل يكون قسم الماجستير يدخله الأقسام الي تصلح له مثل تقنيات يدخله حاسب او انجليزي فقط .. وحق الإرشاد يدخله علم نفس وعلم اجتماع وخريجين ارشاد وهكذا ..
يكون في مجال للأولى مو خبيصه.. كذلك الإمتحان كل قسم له نومذجه الخاص مو مسوين نفس النومذج لكل الأقسام خالصين على نفس على حاسب على اساليب تعليم.. معليش مع احترامي للجميع مو اسلوب ولا طريقة جامعة مرموقه مثل جامعة الملك عبدالعزيز ..
اقسم بالله اني قلت اجل الكليات العادية بعذرهم اذا خربطوا اذا الجامعه هذا اسلوبه ..
على العموم الميدان يا حميدان يكون موجود اذا فيه عدل ووضوح وانصاف وشفافيه .. مو شختك بختك مثل ما يقولون ..
وانا ابشرك يا اخوي الماسترو كلي أمل ان تتيسر أموري وأكمل ماجستير ودكتوراه ..
