بالله انت ياللي اسمك السامي كسمو الهلال من متى الهلال كان سامي
من يوم عرفناه واحنا نعرف انو فريق التحكيم
كم من بطولة واخذتوها بمساعدة الحكم
ماراح اذكر عدد البطولات لانها كثيرة
بس صدقوني مساكين انتو زي الطفل الصغير لما احد ياخذ منو حاجه يقعد يبكي
ماخليتو احد الا وقلتو هو السبب في ضياع البطولة والادهى من ذلك تقولو ماتهمكم وانها زكاة وانها تنشيطية ومااعرف ايش
طيب السؤال ليش قاعدين تبكو لايكون بتقشرو بصل في الملعب وهو سبب البكاء
تقولو عن جمهور النصر انو جمهور الفقر عشان مااخذ بطولات
بس ياسامي افضل انك ماتاخذ بطولة ولا تاخذ بطولات كلها غش
وبعدين فقر على ايش يعني ماعندهم فلوس
طيب نقول ماعندهم فلوس بس برضه فازو عليكم
على الاقل احسن من ناس سوت فلم هندي على قفا محمد كالون والشيخ منصور البلوي
وهذا كله عشان وقفكم عند حدكم والاهم في نظري كان عشان تشحتو فلوس من اعضاء الشرف
والا ايش تسمي فريق يقول تعاقد مع كالون بمبلغ كذا وكذا وبعدها بكم يوم لما اتقلبو اعضاء الشرف على رئيس النادي قالهم ماعندنا فلوس ولله يامحسنين عشان تجيبو صفقة مااعرف مين
الهلال السنة هذي جاب لاعب اسمه برونو وراهن عليه وطلعوه السما نكاية في التون لاعب النصر وكان على امل انو يخطف الاضواء منو
للمعلومية اغلب الجماهير الهلالية عصبت على الادارة انها جابت لاعب بمواصفات برونو لانو ماهو لاعب اصلا لكن ينفع على قولتهم عارض ازياء او بطل فلم ,كان الافضل ماتخلوه يسافر بدري ويساعدكم في تمثيل الفلم حقكم السابق الذكر
وبعدين تعال هنا صدقني لو صدر قرار انو مااحد يدخل الملعب وعمره اقل من 20 راح تكون مدرجات فريق الهلال فاضية ولا اقولك راح يكونو فيها عشرة قدرو يزورو اعمارهم في الاحوال المدنية لانكم متعودين على تزوير الحقايق
والحل كل واحد يجيب ولي امره ووقتها ماراح تكفي المدرجات
وبعدين اصلا كم عدد جمهوركم كله من الرياض ويمكن 100 واحد الغربية و75 في الشمال
و25 في الجنوب و70 في الشرقية
يعني جمهوركم اغلبه من الرياض ومايحب غير المباريات المجانية لانو ماعندهم فلوس يدفعو وكمان ليش يضيعو مصروف المدرسة على فريقهم
تقول انو الذهب انخفضت اسعاره لما النصر فاز بالبطولة بس ياعيوني النصر فاهم انها بطولة وماهي تجارة بيع وشراء
انتو تفكيركم كيف تجيبو بطولة بفلوس وكم صارت قيمة الذهب ولا ماكن فكرتو بقيمة الذهب الان
لكن ان شاء الله انو الدوري كمان يروح للاتحاد وياسلام خليه ينزل كمان وكمان
يااخي السؤال الي يفرض نفسه ليش جماهير السعودية كلها تتمنى الفوز لاي فريق يقابل الهلال ؟؟؟؟!!!!!
اكيد لانكم فريق الغشاشين
حتى تزوير في الفئات السنية عندكم موجود
مستفحل فيكم الغش بشكل مو طبيعي
وعلى حكاية النكتة الي تبغى تقولها على انو واحد مانام ابشرك يقولو طلع هلالي ومسكوه يحاول يرجع عقارب الساعة يمكن لعل وعسى تفوزو بالبطولة
وختاما احب اقولك كلمة مختصرة
الموضوع نزلته الزميلة عشان يباركو النصراوية والاتحادية والاهلاوية وباقي جماهير المملكة ماعدا جماهير الهلال لبعض
انت ايش حاشر رزك في موضوع مايخصك
وبعدين كان مفروض نكتب على الموضوع للكبار فقط عشان ماتدخل ولاتقول كيف عرفت عمرك اقولك ببساطة لانك هلالي
مع تحياتي
(( جداوي يجرح ويداوي يشجع فريق المونديالي والعالمي والراقي ))
وطبعا انتو لا عالميين ولا عمركم رحتو كاس العالم ولا راقيين عشان تتكلمو معانا
يالله ياابو روح نام بدري عشان بكرة فيه مدرسة