ياقلبو وقف هنا معايا شوية
لو ربنا ما كتبلك انك تدخل الطب ايش حتسوي؟؟
حتنزل الحارة وتجالس اولاد الشوارع وتدمن عالمخدرات وتضيع اللي بقي من مستقبلك؟
ياترى انت استخرت قبل ما تفكر فموضوع الطب؟
مو كل شي احنا نبغاه هو الصح
يمكن ربنا عارف انك ماراح تكون طبيب ناجح فاختارلك انك تكون مهندس او مدير او دكتور بالجامعة او عالم
ممكن ربنا عارف انو ازا دخلت طب ممكن بابرة تقتل رجال وتروح فستين داهية
الطب مسؤولية كبيرة مرررررا
اكبر مما انت متوقعها
يمكن مو دا القسم المناسب لك
فلاتجلس تربط كل آمالك بقسم واحد وتعتبر انو كل حياتك
ادخل قسم السنة التحضيرية شوف الطلاب والطالبات اللي كانوا بنفس تفكيرك ايش صار فيهم لما ما نقبلوا طب
ربنا يعرف اللي فيها الخير ليك ولمستقبلك ولاهلك ولاسرتك فالمستقبل
لا تجلس تربط نفسك بشي واحد وتعتبر انو كل شي فدنيتك
ما بتكلم عن الطب بس
بتكلم عن اي شي تاني فالدنيا
صديق حبيب اخ ام اب ايش ما يكون
لازم نتعلم انو اللي يختار ربنا لينا هو الصح
استخير مرة واتنين وتلاتة وعشرة قبل ما تحط الطب رغبتك الاولى
ما ينفع عشان حلمك من الصغر وبس
الطب مو غرايس انتومي ولا اي ار ولا هاوس
الطب أرواح بشر ممكن بأتفه غلطة تقتلها
ما بقول الكلام دا عشان احطمك
بالعكس
انت زي اخويا الصغير
وابغالك الخير والله
لا تربط نفسك بشي واحد بس
استخير وخليها على ربنا
وربنا يختار الخير لينا كلنا
الله يوفقك يااارب ونشوفك دكتور قد الدونياان كان ربنا كتب
|
هلا اختي
بس لو مادخلت الطب راح احاول ادورلي جامعه خارج المملكه واذا مادخلت الطب مره
راح اخش الهندسه بس ماراح احس بمتعة الدراسه مثل الطب
واشكرك جزيل الشكر على ردك