حذفت math 204 ، بسبب الهذلي
السلام عليكم .
بالنسبة للترم الصيفي داه ..
كلكم عارفين شعبة ec ، كانت مكتوبة مع الدكتور بشير فقير ..
و استمر في المادة معانا اسبوع فقط و الاسبوع التاني الاقي الهذلي داخل علينا يقول اخد الشعبة الاخ ..
على أي اساس ياخد الشعبة و هيا اصلن كانت لبشير و لا عشان هوا منسق المادة يخلوه يعمل اللي بكيفه و يغيرو في نضام الجامعة و الواحد لمن يضيف المادة من النت يشوف اسم الدكتور و يضيف على اساسه اجي في النهاية الاقيهم غيروه و جايبين الهذلي و يقول بكل برود انا رحت قلتلهم ابغا شعبة هندسة ما احب ادرس شعبة علوم [ و ما لقى غير شعبتنا احنا يعني ] ...
رحت امس لوكيل الكلية و حزفت المادة لانه دكتور بصراحة ضلمني عدة مرات و محا انساله هيا ..
انا اخدت معاه نفس المادة 204 قبل ترمين و اداني اف دحين يجو يحولو الشعبة معاه و يبغوني اخدها تاني معاه و نفس المادة كمان ليه مجنون انا عشان يديني اف مرة تانية ...
و ياريت يكون في شوية نضام في الجامعة و لما يحددو دكتور مو يجلس اسبوع و لا اسبوعين و بعدين يتغير مو لعبة ديه هادي دراسة جدية و دحين اتاخرت في الخطة الدراسية بسبب التغيير المفاجئ داه
لا يلدغ مؤمن من جحر مرتين !!
ســلام عــليــكم
التعديل الأخير تم بواسطة heso ; 21-07-2009 الساعة 01:34 AM.
|