رد: متحير مرررررره
وعليكم السلام وحمه الله وبركاته
هوا الانقليش تبع التحضيري مو مرة صعب يعني بس يبغالك اول باول علشان تركز وترجم الكلمات قبل الامتحانات بفترة علشان ماتوس وقت الامتحان عموما الانقليش مو ديك الصعوبه ولو قريت حتفهم الا بعض الكلمات الي نادرا ماتنفهم
وفي زيك كتير ونجحو بمعدل كويس زيي ههههههه
انتا كل ماجبت معدل احسن كل ماكانت فرصه قبولك اكتر وعموما الاولاد عندهم هندسه في جده وفي رابغ يعني باذن الله يقبلو معدلات كتير عموما حاول تجيب 4.3 وفوق ماعندي فكرة فين وقفو في الهندسه بس كاني افتكر انو في احد جاب 4 عموما هما يعتمدو ع النسب الخاصه يعني ماحيسبو معدل كل المواد اللي تاخدها في التحضيري لا ياخد المواد اللي يحتاجوها في الهندسه زي رياضيات احصاء وكدا ويقسموها ويطلعو نسبتك الخاصه
السنه التحضيري تنقسك لي اتنين الترم الاول تدرس حاسب سهل مرة مهارات اتصال جدن سهله رياضيات نفس حقت تالت ثنوي بس انجليش وجدن سهله فيزيا يبغالها شويه بس برضو تنحسب انها سهله بس تركيز وانجليش 101 انا اعتبرو سهل وكلو اعاده لكن انتا لو مو مرة في الانجليش يبالك تشد حيلك بس هوا سهل عموما هادي المواد تندرج تحت خطه الف اللي هيا تعتبر سهلللللللللللللله وشربه مويه
الترم اللي بعدو تاخد مواد الترم الثاني اللي هيا تعتبر دسمه حبيتن مواد خطه باء وهي كيميا الكتاب كبير ويبالو مزاكرة اول باول وشده حيل من بدري احصاء صعب وسهل في نفس الوقت لو انتا جيت زاكرت يوم الاختبار حيكون صعب لازم تكون متدرب ع الحل وحال كل التمارين والواجبات وبكدا حيكون مرة سهل واحياء هادا يبالو حفظ ومصلحات كتير واول باول مزاكرة مو من الكتاب هما ينزلو ملازم هادي تتزاك في اسئله وانتا تحفظها طبعا المزاكرة تاخد ايام وتخلص الاختبار في ربع ساعه لانو نففففففففففس اللي في الملازم واخيرن انجليش 102 اللي هوا زي ميه وواحد يبالو مزاكرة وحل واجبات لكنو سهل
طبعا ادا اخدت دي المواد الترم الاول يسير تاخد مواد خطه الف الترم الثاني او العكس
ومسامحينك بس ادعيلي ربي يسهلي تخصصي هههههه
|