[جداوية شقية]

ما انصحك تحولي

انا دحين طالعه المستوى الخامس الحمدلله ومره مبسوطه

اول شي كنت ابغى جامعه قبل التحضيري والكلام دا كان معدلي 92% وما قبلوني بالجامعه كانو موقفين عند 95% للأدبي
المهم دخلت الكليه وكنت ابغى انجلش بس قالو اكتفو

واخترت تاريخ
ولما بديت فيه الحمدلله ارتحت فيه وحبيتو مع انو الكل كان يزن على راسي اسحبي وكلام فاضي بس كملت وشوفي كل شي تمام

بس اذا مصره تحولي لقسم من الأقسام بنفس الجامعه اذا كان معدلك 3ونص وانتي طالعه

بس احب اقولك الدراسه بالكليه اسهل بكتير من الجامعه بجد كنت اسمع الإستاذات يقولو انتو مدلعين مو زي الجامعه
بس امنت لما صديقتي بالجامعه تحكيني بصفة عامه دراسة الكليه اسهل بكتير بس لما تحضري محاضراتك كلها من دون غياب ولا تمشي مع اللي يضيعك مصلحتك فوق كل شي

موفقه