1- بالنسبة للباس الطبي حق طلاب كلية الطب من وين احصله هل من الكلية في رابغ او من الخيااط او من وين ؟؟؟!!
2- بالنسبه للمكاافات .. هل هناك صراف سامبا في رابغ ؟؟! واذا لا.. هل يمكن انو الكلية يعطوني المكافاة نقدا ؟؟!!
3_ بالنسبة للملخصات حقت المواد هل يجبوون ملخصات في الكلية ولا لازم نرووح جدة ؟؟!!
4- هل هناك فرع للعماده في رابغ عشان اذا عندي شي ولا شي .. ولا لازم ارووح جده؟
وشكرا
|
1- مااعتقد في رابغ في خياط يخيط البس الطبي راح تشتروه من جدة على ما أعتقد لا تشيل هم هذا الشي راح يدبر ان شاء الله .
2- مافي صراف سامبا في رابغ - وطبعا في فرع رابغ مافي حساب الطالب واكيد من اول اسبوع راح يطلبو منكم ارقام حسابتكم (وطبعا من اي بنك) وراح تنزلك المكافئة على حسابك الشخصي و تره ممكن تعطيهم حسابك على سامبا وراح تنزل مكافئتك عادي على حسابك الشخصي يعني تقدر تسحب من اي صرافه هناك مو لازم سامبا ..
3- والله لما كنا تحضيري اتكلم صراحة ماكان في اي ملخص يجيي حتى بنك الأسئلة حق الأحياء كان بعضهم يجيبه من جدة من المكتبات الي جنب الجامعة في جدة و بعضهم يطبع من النت و نحطه في اي مكتبة في رابغ يعني هذي الشغلة راح تعتمد على جهود و تعاون الطلاب و الجامعة مالها صلاح ..
4- على حسب معاملتك لو كبيرة اكيد راح تجي جدة و لو توقيع او تعريف او طلب او اي شي الفرع راح يخدمك ،، مثالا لو مكافئتك مانزلت تروح مكتب عمادة شؤون الطلاب في رابغ و تقل لهم مشكلتك لو طولت المعاملة و ماصارت راح يطلبوا منك تنزل جدة لعمادة شؤون الطلاب قسم المكافئات لينظرو في المشكلة ،،
اتمنى اكون ساعدتك وإذا عندك اي اسئلة اثانية لا يوقفك الكيبورد وتره انا مني من رابغ انا من جدة بس درسة السنة التحضيرية في رابغ وصدقني قابلت كل المشاكل من سكن معاملات ... ألخ وكلها انحلت بحمد الله ،،