[منـارة]

المشاركة الأصلية كتبت بواسطة فراشة وردية السلام عليكم والله قريت (باركو لي ما انقبلت) أكثر من مرة وماني عارفة أواسيك ولأ أهنيك يا أخت منارة خليني أهنيك بالأول على أشياء مررررة كثيرة: 1. أسلوب كتابتك الرائع الذي رصد بدقة كل المشاعر المختلطة اللي إنتي حاسة بيها 2. روحك القتالية وتأكيدك على عدم الإستسلام 3. تفاءلك وثقتك بأن الله حيفرجها بطريقة ما 4. روح الدعابة وصورة Tom & Jerry برغم المصاعب 5. صوتك مرررة حلو وإنتي بتغني ... هاها ها ها على أي حال ... عندي إحساس كبير أنها حتنحل ...وأن الله حيسر لك أمرك ويحقق لك اللي تبغيه وعشان كذا ما حاأواسيك ... وحأنتظر لين أهنيك على التفرغ

الللللللللللللله يسعدك يا عمري ..

والله اليوم بالذات في قمة الاحباط بشكل عام ومن كذا امر غير الماستر
وقريت ردك ..فوّقني شويا ..
وضحكتني على حكاية صوتك دي ...
شكرا يا ستي ..
وعقبال يارب ما يصدق احساسك ونفرح جميعا يارب..

المشاركة الأصلية كتبت بواسطة ام دانا ااااااااالله يسعدك يا قلبي يا مناره ايوا من ادارة جده على فكره من عرفت انهم رفض لك التفرغ قلت ليه اتعب نفسي ولكن كلامك شجعني وووووبحاول حاضر بكره اجرب اروح رغم ان مديرتي قالت مافي تفرغ ابدااا يارب يكت لنا الخير و الله انا احس نفسي وسط معركه انا مش قدها اذا لم يفرغونا ويتعاونوا معنا على الاقل في توضيح بعض الامور التى لدينا لبس فيها ة يقولون يبون يطورون التعليم ياليت يوفون معنا فا اساس التعليم المعلم ,

ويسعدك كمان يارب....اشكرك كثيرا على أخذك بنصيحتي
وفرحت اني كنت مبعث تشجيع لك ..

المشاركة الأصلية كتبت بواسطة ام دانا الان الساعه 11 طالعه التديب التربوي وكلمتهم قبل شوي من المدرسه قالت ان الاسماء خلاص رفعت وانتهي الايفاد وقالت اش تخصك قلت انجليزي قالت انقبلتي في اي تخصص قلت تقنيات تعليم وقلت لها انا مسائي وبسسسسسرعه قالت جيبي اوراقك وتعالي الخلاصه شكل المسائي زي ما اتفضل الاخوه والاخوات غير مسموح لهم بتفرغ عشان كذه رفضت وبعدين لما عرفت اني مسائي وافقت بعد ساعتين اجيب لكم العلم الاكيد يارب سهلها لنا يارب يارب وفق الجميع لما تحبه وترضاه

المشاركة الأصلية كتبت بواسطة ام دانا انا محبطه قالت عمرك 40 وهذا فقط السبب انهم رفضوا تفرغي قلت التعميم يقول مسموح الين 40 قالت اذا وصلت الاوراق الرياض يكون عمرك 40 وشهرين وللعلم بصدفه حصلت احدى االاستاذات من نفس قسم التدريب التربوي تربطني فيها علاقه قرابه قالت المسؤؤله ارفعي تظلم للرياض كن جدا متعاونات وقالوا هذي الانظمه وسوف يخصم من رواتبنا ونتعرض لمسائله فيما لو رفعنا اوراقك واعتقد المطلوب 60 معلمه مسموح لهم بتفرغ وقالوا انهم ناقشوا كثيرا وساعدوا والاستاذه سعاد المنصوري رفضت التفرغ للجميع ماعدا معلمتين من اللغه الانجليزيه لانه قسم فيه عجز المهم خرجت وفضلت انزل الدرج وليس المصعد لاني ودي اصيح ناقشتهم كثيرا قلت ارفعوا لي اوراقي وراضيه قالوا لما توصل اوراقك الرياض يكون عمرك زايد شهرين يا بنات اش رايكم نرفع تظلم للرياض

المشاركة الأصلية كتبت بواسطة ام دانا للعلم فقط المسائي مسموح لهم التفرغ ولم يكن اشكال في ذلك الاشكال كان حول العمر فقط وتخصيي تقنيات تعليم مطلوب وحده من نفس قسم التدريب التربوي قالت انا نفسي اقدم شوفيني بسسس العمر كان مشكله لها نزلت قسم اللغه الانجليزيه قالوا قابلي الرئيسه سحر واذا اعطتك توصيه ممكن يرفعون لك

شفتي كيف ؟؟
ممكن انتي في قمة الاحباط الان ..ومن فينا مو محبط ؟!
لكن شوفي قد ايه امدتينا بمعلومات مؤكدة مهمة ؟؟
كنا نعرفها قبل لكن انت اكدتيها لنا الله يعطيك العافية ..
على فكرة اليوم جاتني موجهتني ونفس الامر امتعضت من تعنت الاشراف والتدريب التربوي وقالت لا تسكتي على حقك ..
وهذا اللي ح نسويه بعون الله ..

المشاركة الأصلية كتبت بواسطة زهرة الوادي الحمدلله على كل حال أنا كمان ماتفرغت رفضت أساسا تدخل أسمي وجالسة تحلف بس أنا عرفت إنها خيرة والحمدلله راضية بس ماراح اسكت بحاول وبخطط للتفرغ في العام القادم إن شاء الله هناك أبواب عدة لم نطرقها بعد وللحديث بقية ...

جالسة تحلف على ايه ان شاء الله ؟؟؟
ماني فاهمة دي النقطة ؟
هم كدا اساسا مو مخلينا نرفع اوراقنا خير شر !
اقول ؟؟ حالي وحالنا من حالك
نفس الفكرة نفس التوجه ونفس الاصرار ..
الأفضل نتحرك سوا .. فيد الله مع الجماعة !
انت ادارة جدة ؟؟ معليه .. ترانى صرت مضيعة الطاسة ؟؟

المشاركة الأصلية كتبت بواسطة ام دانا الله يوفقك يا زهره انا ماعندي خيار ادرس وادرس ويوم الاربعاء بطلع ل الحقيل حق تعليم البنات وبتكون لي اخر محاوله عارفه اش قالت كمان شي صدمني قالت ان المعلمه فقط تعطي اجازه في يوم الاختبار يعني مو اسبوعين زي ما قال الاخوه تقول يعني عندك اختبار السبت في الجامعه والاحد ما عندك اختبار في الجامعه تروحي مدرستك وهكذا يعني السنه الجايه مدري كيف بيكون وضعنا اعتقد همهم الوحيد تطفيش المعلم وطالب العلم ويمكن حسسسسد وغيره عشان كذه رفضوا يرفعوا اوراقنا يعني كم عدد اللي تقدموا الايام الجايه بنعرف

والله مو غريبة منهم النذالة دي ! ^_^
اساسا من يوم ما قريت موضوع المعلمين قلت هيّن !!
من جد اللهم لا تولي علينا من لا يخافك ولا يرحمنا ..
المهم اذا رايحة للحقيل ابغى اروح معاك ..
ح احاول اخلص شغلي بكرة قدر مااقدر..
ما قلت لي اش سويتي مع سحر ؟؟