[khalil]

السلام عليكم ورحمة الله وربركاته
اهلاً وسهلاً m1402 ؛ حياك الله وبياك ، وفقنا الله وإياك لما فيه الخير والصلاح في الدارين
لا تشيل هم يا رجل الموضوع ما يستاهل ،،، وانا مقدر حالتك مو إنت لوحدك ترا اللي انصدمت إلا كلنا من طريقة الأسئلة وأسلوب الدكتور الشوكاني بالذات في احتساب الوقت واللعب على وتر الأعصاب السابع
وغير كدا الأسئلة كلها من النوع التعليلي -ما ادري من باب التعجيز ولا إيش- وما جاب ولا شي من اللي قاله في الدورة -وحتى من اللي اكدلي هو- لما رحتلو في القسم انا وواحد من الزملاء ؛من إنو تعريفات مع امثلتها و 5 كلمات من اصل 10 تتكلم عنها-مع انو جابها بس بطرقة ملفوفة جداً وتعجيزية- في ظل ضيق الوقت والضغط النفسي
والحاجة الوحيدة اللي جابها زي ما قال الessay questions وحتى هي فيها تعجيز 700 كلمة
صدقني كلنا زعلنا من بداية الإختبار إلين نهايتو وحتى لو انتبهت وقتما كان بيعد علينا الوقت حاولت اكلمو انو يساعدنا بالوقت شوية ويخلينا نركز لكن ما في فائدة
يا سيدي صفا وعذرك مقبول طالما عرفت خطأك وإنو كان وقت زعل وبس
صدقني انا إلين دحين حاطط يدي على قلبي من الخوف من هادي المادة حاكم هي اللي بقيتلي نتيجتها واتخرج
الله يعين ويوفقنا ونعديها على خير

صادق امنياتي