[~MeRo~]

المشاركة الأصلية كتبت بواسطة الملتاع11 انا احد الاشخاص المقبولين بماستر ادارة الاعمال فرع جده لكن عندي وجهة 1- لماذا لم يتم قبول اصحاب المعدلات العالية فأغلب المقبولين تقديرهم جيد ويكاد يكون جيد منخفض لاغلب المقبولين 2- لماذا لم يتم قبول اصحاب المناصب العالية وانا اعرف اناس كثير قدمت معنا وفي جميع التخصصات ورواتبهم يفوق 15 الف ريال بالشهر (هؤلاء سوف يدفعون الرسوم بدون اي مشاكل) وتم قبول اشخاص تعمل بمؤسسات اهلية ومعاهد خاصة اغلبيتنا لا يعرف هذه المؤسسات والمعاهد الخاصة ممكن تكون طبية وممكن تكون تعليمية وممكن تكون لصناعة المرطبات الله اعلم بها ورواتبهم متدنية يكاد الواحد يفرح عندما يستلم 4000 ريال في الشهر تخيلوا لو مافي مكرمة هذا العام كيف سوف يدفع هؤلاء الرسوم ولو دفع الترم الاول لن يدفع الترم الثاني 3- هناك من المتقدمين من يعمل بوظائف حساسة يعني مثل ( الداخلية والديوان الملكي وديوان المظالم) المفروض يكون لهم تعامل خاص 4- الدنيا هذه حظ ونصيب ومبروك للمقبولين وحظ اوفر لغير المقبولين وهذه تعتبر وجهة نظر

السلام عليكم

اخوي ملتاع رايك نحترمه ونقدره .. رغم ان كثير منا ان ما كان اغلبنا يختلف معك فيه وبالنهاية اختلاف الرأي لا يفسد للحوار والتقدير قضية..
1- بالنسبة للتقدير ياخوي ما تشوف انه ظلم لو الجامعة اخذت التقديرات العالية وبس .. خاصة ان الماجستير الصباحي او العام مفتوح عشانهم وهم لهم الاولوية عن غيرهم.. كمان تبي تجي وتحرمهم من الماجستير المدفوع واللي غرضه الاساسي اتاحة الفرصة للمعدلات المتوسطة.. واشوف ان اختبار المفاضلة اكبر حكم للانصاف بين المتقدمين سواء تقديره امتياز او جيد منخفض
والله يوفق الجميع..
2-بالنسبة للشخصيات المرموقه واصحاب المناصب العالية.. يعني انت برايك الناس اللي عندها طموح وتبي تكون من الشخصيات المرموقة واصحاب المناصب العالية حرام يكون عندها هالطموح ولازم تقبل انها تكون شخصية عادية ذات منصب عاادي .. وتوك قايلها هم عندهم المنصب والمال .. كثير ناس ما توفقت بالبكالريوس لظروف خاصة وعندها طموح تجي انت براياك تقتلهم وتحبطهم وتشيش عليهم بعد .. تراه ظلم وحرام .. وكثير منهم بعد يبي مستواه المادي يتحسن.. يعني ابو راتب 15 الف ما تفرق معه لكن اللي راتبه 4000 تفرق معه ويبي يزيده وتراه ما عنده مانع يجمع هالاربعة لين انتهاء السنتين ويدفعها تكاليف للماجستير وعقبها يفرجها ربي عليه بشهادته اللي تعب وكد عليه .. ومو مثل ناس كل شي بيدهم ومستكثرين على غيرهم بعد :(
والحمد لله ان المكرمة جات فرجت على ناس كثير والمفروض انك تفرح لهم مو تستكثر عليهم وتراه مو من جيبك الماجستير .. والمكرمة تراها شي عاادي بالمقارنة باللي بينصرف على البعثات.. والمفروض التعليم بالمجان لجميع المراحل .. والانسان الجاد هو اللي يثبت حضوره ..



اتقي الله الناس مو ناقصة .. ترا كثير منهم في صدمة اشلون اجتازوا الاختبار بنجاح وتأهلوا للمقابلة الشخصية وبالنهاية ماانقبلوا فلا تجي تزود عليهم بأرائك .. تمنى للجميع الخير .. سواء تقدير عالي او منخفض
راتبه 15 الف او 4 الاف
يشتغل بالديوان ولا بمصنع حلويات
اللي يسعى للخير يستحقه وبالنهايه الارزاق من الله واللي ما يتوفق هنا ان شاءالله ان له خير بمكان ثاني.. فلا تحطم احد .. ولا تستكثر على احد .. وادعيلنا الله يوفقنا .. مثل مااحنا قاعدين ندعي الله يوفقك انت واللي انقبلوا معك



ولا تنسى اختلاف الاراء لا يفسد للحوار والتقدير قضة


تحيتي لك