[RedRooose]

المشاركة الأصلية كتبت بواسطة منـارة أما عن تجربتي ... فبعد ما وثقت شهادتي من الكلية ... وصلت الجامعة على الساعة 11 تقريبا .. وما لقيت أحد ... الا وحدة رايحة .. والحمد لله ... اخذوا اصل سجل الدرجات وصورة طبق الأصل من وثيقتي وصورتين شخصية لي واتأكدوا من شهادتي اني اجتزت شرط اللغة .. فقط .. وطبعا سلموني سند استلام .. ( هذه مهمممممممة جدا يا بنات لا تجي وحدة تضيعها !! , ان شاء الله حتى لو تطبيعها أو تسوي لها إسكين وتحفظيها .. ) آخر شي طلبت منهم ايفاد بقبولي بالجامعة وأعطوني هو بعد ساعة لأن الوكيلة بالخارج عندها اجتماع ! وقالوا لي انتظرها !! رحت فطرت مع أخويا ورجعت أخذته .. ( قال اتلطع انتظرها ساعة قال ! ) والحمد لله على التيسيير .. اشعار القبول من الجامعة دا محدد فيه اسمك وتخصصك وأنك اتقبلت للدراسة فيه .. ( نصيحة ) لا تقدمي هذه الورقة عند طلب التفرغ , صوريها وخليها عندك .. ولمن يرفعوا اوراقك ويسووا لك المقابلة والاختبار واجتزت ولله الحمد .. وقتها قدمي لهم الأصل وأنت متطمنة .. طبعا مو واضح فيه اذا مسائي او صباحي .. لمزيد من التأكد .. قمت بنفسي رحت لمبنى الدبلوم التربوي واستفسرت , فقالوا لي النظام زي ما هو ! اربعة ايام في الاسبوع من وحدة الظهر الى أربعة العصر .. لقيت الدكتورة اللي سوت لي المقابلة .. استفسرت منها اذا فيه مجال للدراسة صباحي زي ما استشعرنا من اسئلتهم قالت لي : هو احنا كنا بنشوف اذا فيه امكانية واستعداد منكم ولا لأ ؟؟ وهذا النظام لأن أغلب الموظفات يبغوه كدا .. قلت لها : مو كل الموظفات يناسبهم دا الدوام بعض من اخر الدنيا وبضهم دوامهم ينتهي متأخر , ولابد من صباحي عشان ياخذوا عليه تفرغ .. ليه ما تفتحوا شعبتين : شعبة للمعلمات اللي ما يقدروا ياخذوا تفرغ يدواموا في المسائي , وشعبة للمعلمات و أي وحدة آخذة اجازة او ما عندها عمل وحابة تداوم صباحي .. ؟ قالت أنقل اقتراحك للدكتورة ..اذا العدد كبير وينفع يتقسم نفذناها .. شكرتها وخرجت .. هذا اللي صار معايا بالتفصيييييييييل الممل .. حبيت أشارككم به للعلم والاستفادة .. بقي أهم خطوة وأكبرها .... خطوة التفرغ .. لانه من جد لا اقدر اخذها مسائي وانا مرزوعة في هذيك القرية , ولا استغني عن راتبي للاسف .. فادعوا لي بالتيسيييييييييييييييييير .. والله يجيب الخير ..

عزيزتي منــارة .. أن نفس الشيء أمس ذهبت إلى مبنى الدلوم التربوي وقابلت
الدكتورة منال اللي عملت معانا المقابلة وسألتها عن الدوام ..
قالت أن الدوام أربعة أيام في الأسبوع ( سبت - أحد - إثنين - ثلاثاء )
كل يوم مادة .. وحيكون فيه دوامين ..صباحي و مسائي ..
سألتها على أي أساس حيكون التقسيم بين الشعيتين قالت : على أساس التفرغ
يعني المتفرغات صباحي - و الموظغات مسائي ..