رد: كل اللي انقبلو واللي ما انقبلو دخووووول للأهميه....
امر المؤمن كله خير لو كلنا ايقنا بهالشي كان كلنا بخير
اتخيلي هذا عناء سنه واحده تقديم كيف انا الي قدمت لسنوات
اول سنه : عندك توفل ؟ لاماعندي ,,خلاص خذي توفل وقدمي السنه الجايه
رحت اخذت دوره تقريبا شهر في دار الحكمه وكنت اطلع من دوامي على الدوره وارجع البيت تقريبا على الساعه 8
تخيلي من 8 الصباح لـ 8 بالليل مين سواها ؟
قدمت اوراقي واختبرت الحمدلله واجتزت من اول مره
السنه الثانيه : بعد عناء التقديم واجازه شهر من عملي ومذاكره لكتاب الفيزياء 2000 صفحه وباللغه الانجليزيه ماانقبلت
حاولت بعدها اني ابتعث داخليا رفضت الجامعه,,
السنه الثالثه : كمان نفس الشي مذاكره نفس الكتاب والنتيجه عدم القبول,,
السنه الرابعه : هذي ذاكرت واجتهدت وارسلت الملفات على جوالي وحتى وانا في السياره كنت اقرا ولمن اجي بنام اقول ماينفع كيف انام وامسك الجوال واقرا وتعرفون كيف الجوال القرايه فيه تعمي العين ,, حتى في عملي اي وقت فراغ القاه امسك جوالي واقرا ,,
والنت ماخليت موقع يشره علي يرتبط باي شي يخص الامتحان ,, واولهم منتدى طلاب وطالبات جامعه الملك عبد العزيز الي عرفته عن طريق البحث في قوقل ,,
ماجتنا بالساهل ياللي تتهمون وتتوعدون ,, والله النتايج طلعت في وقت قياسي والمجهود الي عملوه القبول والتسجيل هالسنه جباااااااااااااار,,
اكثر شي يقهرني لمن الانسان المتميز والمجتهد والي يخاف الله ويتعب فوق طاقته يلاقي تشكيك وغمز ولمز زي استاذ فيصل البلادي,, الي ماسمعنا في هالمنتدى الا عن نزاهته ورغبته الصادقه في مساعدة الجميع بلا استثناء,,
من جد انا صرت كل ماادخل المنتدى اكتئب ,, وين الجو الي كان بيننا كله اخوه ومبدئنا حب لاخيك المسلم ماتحبه لنفسك ؟؟
للاسف كل المشككين هم اعضاء جدد مااعرف بالضبط وش مصلحتهم,,
لاتكسرو فرحتنا رجاءاً ,, والي عنده شي الجامعه مكانها مايتوه يروح ويقدم شكوته ,,
المشكله زي ماقلتي ياورده فيه ناس ماذاكرو شي ,, اخت صديقتي مقدمه قلت لها اسالي اختك من وين بتذاكر واذا تعرف اي مراجع ,, جاتني وقالت اختي تقول اي مذاكره واي مراجع يقولو تدخلي كذا بمعلوماتك !!
والله والله ربي ماقبلكم هالسنه الا لان لكم خير في شي ثاني او في السنه الجايه
الحمدلله على كل حال ,, اللهم لااعتراض على قدرك ,,
|