وربي مادريت عنك انك مقبولة او لا !!! ومبرووك مؤخرا لأنك حسبتك زينا!!
حبيتي مالوا داعي العصبية !! ومو كل من انقبل كان بواسطة!! وانتي اخذتيها بجدك واجتهادك والحمدلله ربي وفقك وكتبلك القبول والف الف مبروك من قلبي وربي... بس لاتنسي حبيبتي انه فيه بنات درجاتهم عاليه ومعاهم مراتب شرف وبعضهم حتى قالولهم انقبلتوا وبعدين يا ماانقبلو يا استبعدوهم!! وبعضهم وربي من جنبها حتى يوم الاختبار داخلة بالبركة وانقبلت!!يعني الحمدلله تيسرت امورك لكن بعض الناس لا وشافوا الظلم بعيونهم!!! ولاتحسبيني اقولك دا الكلام عشان مقهورة اني مانقبلت او حاسدتك اوشي لا والله لاني قسما بالله اني انبسطت اني مانقبلت وتأكدت من حقيقة شعوري لمن طلعت النتايج!!
لأنو بالنسبة ليا ما اتخيل نفسي الا ادرس برا!! لكن بسبب ظروفي الي ماتسمح انحديت على هذه الجامعة لانه ماني ضامنة اسافر وذلك لعدم توافر" المحرم" في الوقت الحالي لسه بقيلي سنتين استنى اخويا..
فقدمت من باب الاخذ بالاسباب وقلت يالله اذا مو الماستر ان شاء الله الدكتوراه!! ولمن مانقبلت ماتدري قد ايه ارتحت ولو انه من جد ابغى ادرس فيها كان مارتحت الا لمن اشوف القصه وما اسكت عن حقي!! بالرغم من صعوبة الامر زي ماوضحتلك قبل!! وبعدين على كلام تضحية الاهل حبيبتي ان كان اهلك يدعموكي ففيه كثير يدعموهم كلام بس.. يعني صحيح راح يفرحو انهم انقبلو في الماستر بس مايحوسو عليه دي الحوسه لانه بنظرهم البنت كدا كدا مابتستفيد من شهادتها فليه الشحططه!! وفيه كثيييييير كانوا من الاوائل على المملكة دوريهم الحين اغلبهم في البيوت !!
انا مالي مصلحة في كلامي ولا قاعدة اسخط واذب عشان مانقبلت ولاحتى اقصد اني اتهمك او اتهم غيرك بس ابغى اعرف وين المشكله وابغى شوية وضوح!! مو عشان نفسي لانها مهي فارقة معايا وربي!! عشان البنات الطموحات الي شاركت معاهم مشاعر الخوف والقلق وترقب النتيجة ولمن طلعت بعضهم كان متوقعها (انه مو مقبول عشان ماتقولي اني اقصدك بالكلام واقصد المقبولين او الواسطه) والبعض الاخر انصدم فيها بالرغم من قله المتقدمين في القسم المرغوب والعدد المطلوب
او معدلهم العالي او تأكدهم بانهم حلو في الاختبار!! مالهم حق يعرفو جوانب القصور وين منهم والا من الجامعة؟؟!! ممكن حتى يكونو سقطوا سهوا او حتى صار فيه غلط في التصحيح الالي او ماوصلت اوراقهم يعني مو شرط هناك من يتلاعب الدرجاات ياقمر!!! اقربها موقع النتايج بعضهم طلعلو انه دكتوراه وهوا ماستر والي طلعلها جغرافيا وهيا علوم والي طلعلها غير مقبول وهيا مقبولة!!!
بالله يانورة بالعقل يرضيك شهرين في النتايج عشان يطلعوها بدا الشكل!!
يعني هما جابو لنفسهم الكلام وممكن حتى نقول بعيدين عن حكايه الواسطات بس اللخبطه دي ضيعت الكثيرين وفوتت عليهم فرص واعصاب المتقدمين مهي ناقصة ضياع وشتات!!!
أنا متأكدة انك لو ما انقبلتي كان ماقولتي دا الكلام او على الاقل حسيتي بالقهر او الظلم وخصوصا بعد ماذاكرتي واجتهدتي وتقديرك ممتاز وبعدين هناك من يقول "غير مقبولة" او "مستبعدة" !!!!!!
ملاحظة بسيطه: عذرا اختي نورة بس من الاتيكيت في استخدام النت هو تجنب الكتابة بالخط الكبير لانها تعتبر طريقة فظة في الرد على الطرف الاخر!!