السلام عليكم ورحمة الله وبركاته
انا حاتكلم حسب كليتنا ,, وأظن الكلام ينطبق على الأولاد كمان
1- انا اعرف انو لازم ما تكون مخلص اكتر من نص ساعات التخصص ,, عشان تقدر تحول ,, ولازم معدلك يكون عالي يعني فوق 4,5
2- في موضوع في المنتدى عن التخصصات التلاتة
ان شاء الله يفيدك
3- والله على حسب في أساتذة يتكلمو عربي وفي أساتذة يتكلمو انجليزي
وفي أساتذة أصلا مو عرب فأكيد حيتكلمو انجليزي
يعني كل واحد ومزاجه ,,
وتعاملهم ,, كل واحد وأخلاقه ,,
4- الكلية ما أقولك صعبة ,, لكن بصراحة كررررررررف !
لازم تكرف فيها كتيـــــــــــــــــــــــــر ,, خصوصا في المشاااااااااريع
في مواد كتير ممتعة ,, وفي مواد مملة ,, وفي مواد حفظ ,, وفي مواد فهم ,, طبعا المواد كلها بالعنجليزي
بس بشكل عام والله لما تدخل لازم تشد حيلك ,, بس كلو بأجرو في الأخير ان شاء الله (( قصدي ان شاء الله بعد التخرج ^^ ))
5- يالله ,, رسوووووووووب ايش ياعم من أولها ,, قول خير ,, وتفاءلو بالخير تجدوه
لا ان شاء الله مافي رسوب ,,
والأساتذة برضو كل واحد على عقله !!
يعني في ناس لو كنت جايب 94 يعطوك 95 من عندهم ,, وفي ناس لو بتتشحتف على درجة خليك تفر من اليوم لبكرة
بس بشكل عاااااااااااااام ,, اغلبهم يرفعو في الرسوب ,, يعني اللي تحت الـ 60 بيحاولو يساعدوهم قد ما يقدروا
6- اتمنى اكون افدتك ,
والله يوفقك لكل خير ,, واهم شي استخير , ,واللي فيه الخير ربنا يقدمو ان شاء الله