[.SuperGirl]

المشكلة في مواهب..
كل انسان يولد بميزة\موهبة تخليه يلمع زي النجمة عن غيرو..
ولمن يكون الواحد محتاج ينميها ويطورها..
احنا.. نهدم هدا التميز.. نمحيه.. والنتيجة انو يطلع الطفل زيو زي غيرو..

اشوف دا الشي فيا وفي غيري..
ما اقدر اقول انو امي وابويا مقصرين.. بس في اشياء أحبها من صغري..
بس محد اعطاني وجه.. محد وداني آخد كورسات اتعلم اكتر.. (اساسا مافي كورسات وفصول لتنميتها في البلد كلها!!)
أعتبروها هوايات عادية..

الحمدلله بدأنا نتحسن..
سار في نوادي فروسية.. والكرتيه وشلتو..(الاشياء القتالية)
في جوالة.. ممم..بس!

نحتاج كمان!!.. نبا شي للتزلج(عالجليد ,عالموية ,عالتراب(بالدبابات) ,عالارض)
نبا شي للرسم..للأصوات (vocal lessons).. في الأذان والانشاد و..و..
شي للرقص.. ممكن من غير موسيقى.. نتفنن بشكل ما يدخلنا في دائرة الحرام..عالآهات مثلا..

شي للخياطة والتصميم.. شي للطبخ.. للحاسب.. للاختراع..شي لليحبو الميكانيكا(وفكفكوا اشياء.. ويسوو اشياء)
للي يحبوا النقش عالخشب والحجر..

حتى دروس في فن الكتابة (نثر وشعر)

:
:
:

اللستة مرة طويلة
بس المطلوب انو كل مين يبدع في مجالو وياخد الابداع لمستوى اعلى ويعم غيروا