[ضيدان]

لما نسمع بالميزانية ان الدولة مخصصة مبلغ لجامعتنا الموقرة

ولما نقرأ بكتب جامعتنا الموقرة ان ابسط حقوق المواطن التعليم والصحة

ولما نشوف الاعداد الهائلة من الطلاب كل سنة ينتسبون للجامعة ولا يكلفون الجامعة شئ اللهم الاختبارات (أوراق وتصحيح وترصيد ورقابة) ونعرف ان هذي تكلفتها اقل بكثير من اللي قاعدين ندفعه كل ترم!

ولما نشوف مواضيع ناس فعلا ما تقدر تدفع ( أرملات - مطلقات - ايتام - ناس نسبتهم بالثانوي تدخلهم كلية الطب ويضطروا يتركوا الدراسة على شان يأمنوا لاخوانهم لقمة العيش - واللي ظروفه ما يعلم فيها غير الله )

ولما اقرأ موضوعك اقول الله يزيدك من خيره ... اذا كنت تقدر تدفع غيرك كثير ما يقدر

ولما تقول سعودي يدرس بمصر يدفع 10 الاف ...... اقول لك عامل المصري اللي يجي يدرس عندك هنا بالمثل

لكن سألت المصري كم يدفع للدراسة ببلده؟؟؟؟؟؟؟؟؟

سألت أي مواطن خليجي كم يدفع للدراسة بجامعات حكومية ببلده؟؟؟؟؟؟؟؟؟

مو مشكلة انا وانت نقدر ندفع ........ لكن غيرنا؟

ما تحب لاخوك المسلم ما تحبه لنفسك؟ ويتعلم؟ ويحصل على الشهادة الجامعية؟

انا اتمنى اعفاء كل اللي يتقدموا بطلبات اعفاء .... ولو كان من ظمنهم ناس تقدر تدفع ... بس كثير مثلك ومثلي ما راح يتقدم بطلب اعفاء لان الحمدلله .... من موضوعك واضح انك تقدر ...... وانا ان شاء الله اني اقدر .... نتحمل الرسوم


او على الاقل رسوم رمزية ...... عادلة .........
قيمة ادخال معلومات الطالب بداية تسجيله 50 ريال تدفع مره واحدة
وقيمة البطاقة الجامعية 50 ريال تدفع مره واحدة
وقيمة تسجيل الجدول 100 ريال في كل ترم
والاختبارات والرقابة والتصحيح كل مادة 100 ريال في كل ترم


ولو ينزلوا مناقصة ادخال بيانات لاي مقاول راح يطير فرح لانه عارف مليون بالمية انه كسبان بالاسعار هذي مقارنة مع عدد الطلاب

لكن واضح ان تعليم الانتساب صار تجارة ربحها مضمون وسريع ....

تحياتي لك