[mr increase]

المشاركة الأصلية كتبت بواسطة SH.A.A.A.Q يزيد ... صراحة مرررررررررررررررررة شكرا على الدروس اللي عملتها عن اسس الانجليزي مررررررة افادتني .. الله يعطيك العافية .... بس ودي أسألك :: هل عندك فكرة عن كتب تساعد في تقوية اللغة لدى الشخص ؟؟ وشكرا

العفو ماسوينا الا الواجب وبصراحة فرحتيني بردك
أنا انصحك تشترين روايات من مكتبة جرير صفحة عربي وصفحة انجليزي
في روايات مشهورة لأجاتا كريستي وويليام شكسبير
اقري الرواية بالانجليزي واي كلمة ماتعرفي معناها تلقي ترجمة الرواية بالعربي
بصراحة انا مجرب هذي الطريقة مفيدة مرة تزيد مصطلحاتك في اللغة الانجليزية وتعرفين تركيب الجمل وأنصحك بالرواية الشهيرة :ـ البؤساء وفيه رواية الامال العظيمة اللي اخذناها في الانجليزي العام الماضي
وبالنسبة لو تبغين كتاب خاص بالقرامر فيه كتاب اتوقع اسمه كامبريدج خاص بشرح القواعد الانجليزية بشرط تكون لغتك في الانجليزي فوق المتوسط بصراحة ماني متاكد من اسم الكتاب
لكن انا شفته في المكتبة المركزية اللي في الجامعة على ما اظن
الكتاب يعرض قواعد اللغة الانجليزية ببساطة ودون تعقيد لو تبغين اسم الكتاب قولولي اروح اتاكد من اسمه عشان تستعيريه من المكتبة المركزية اللي في الجامعة وانا بصراحة احتمال ايضا استعيريه
اذا شفت عندي وقت زايد
واذا تبغين تطورين مهارة السبيكينج في موقع على النت اسمه sharedtalk اكثر من رائع لتطوير السبيكينج عبارة عن شات صوتي لتحدث الانجليزي مع اناس من عدة جنسيات
بالنسبة لليسينينج مالها الا الافلام ولاتتابعي الا الافلام المترجمة في المرة الأولى بتشوفي الفيلم وماراح تنتبهي للكلمات لانك بتكوني مركزة على قراءة ترجمة الفيلم لمعرفة قصة الفيلم لكن في المرة الثانية والثالثة بنتبهي على الكلمات وبتحاولي تحفظيها وتخزينها وراح تنسينها بعد فترة لكن اذا جاءت لكي الكلمة مرة ثانية في فيلم ثاني او كتاب او اي مكان راح تحفظيها للابد ان شاء الله
وبالنسبة للرايتينج مو مهم جدا
انتي ركزي في البداية على الروايات وحاولي تخلصي في هذي الاجازة على الاقل ثلاث روايات
وبالتوفيق للجميع ومعذرة الى صاحبة الموضوع للخروج عن موضوعها
وسأحاول جعل هذا الرد في موضوع مستقل