[الاهلاوي]

بسم الله الرحمن الرحيم
موضوع في المليان وانا مبسوط لانو دا الموضوع انفك
صراحة في اربعة ردود عجبتني من ويزارد و اكس بويك الاتحادي ومولان وبيبا
اما دا الي يقول الله يهللك البنات بقلو حاجة ........ حبيبي مهما الانسان سوى من منكر انتا تنكر دا المنكر ما تنكر الانسان نفسو دا الانسان يكفي انو فيلو انوار لا اله الا الله يعني ماتدري بين يوم وليله مولاك سبحانه يتوب عليه ومع الاذى الي كان يتعرضلو المصطفى اللهم صلي عليه ما قال ياربي اهلك قومي قال اللهم اغفر لهم فانهم لا يعلمون فا هدي اعصابك شوية
اما بالنسبة للموضوع
انا اشوف انو البنت ما تتحمل كل المسؤولية لانو يمكن اهل البنت سواء الاب او الام عايشين في الفرييي يعني عادي فاكيف تبغو بنتهم تكون وكمان حاجة تانية يا جماعة الاغاني الماسخة كترت من هنا ستار اكدمي من هنا والنت والصياعة من هنا ودا كلو ما تبغو البنت تنجر ورا دي الاشيا اكيد البنت غلطانه لكن كل المسؤوليه عليها لا لا لا
اما بالنسبة لدول البنات كيف تكون اخلاقهم انا اقلكم ياجماعة طالعو للمعدن لا طالعو للشكل من برة صح الشكل من برة مقرف مع انهم يعتقدو انو حلو لكن انتو شوفو المعدن ياما عالم زي الاشكال اخلاق وتفكير احسن من مليون وحدة مغطية لكن ظروفها خلتها كدا
ودي الاسئلة مع اجوبتها


هل يحترم الشاب الفتاة التي ترتدي العباءة المخصرة .. المزركشة انها العباءة التي تحتاج لعباءة أخرى فوقها
انا احترم كل انسان مهما يكون لكن اكره الوضع الي هيا في وبشكل عام اكره الوضع الغلط الي يكون فيلو الانسان لكن كل انسان له احترام

وما الذي يتوقعه الشباب ( وخاصة شباب الشوارع والأسواق ) من وراء تلك الفتاة ؟؟؟
مممممممممممممممم كل وحدة ولها نية واحنا ما نقدر نحدد دي البنت أي نيتها لكن ممكن من الحركاتها او تصرفاتها
لكن بشكل عام دي ايش تقصد من حركاتها دي مممممممم يعني شوفوني , انا حلوة , انا اقدر اضحك على مليون واحد , انا امشي ورا الموضة يعني شوية امراض نفسية والبنات ادرا مني بدا الشي

وماذا تقصد من لبس هذه العباءة وكيف ينظرون إليها؟
برضو دا يعتمد على نيتها لكن انا كيف انظرلها
بصراحة انا من يوم ما اشوف بنت زي كدا اضحك ضحك لكن مقهور في نفسي على الوضع الي هيا في واحاول اني اخليها تشوفني اني انا مستحقرها لعل وعسا تتربى شوية وتعرف مقامها اما اني اجري وراها لا لا والف لا



وما هو حجم المضايقات التي تجلبها هذه الفتاة لنفسها ؟
انتا على بالك احسب يارجل بالكيلو

وما النصيحة التي يقدمها شاب ( يخجل النظر إلى فتاة تلبس مثل هذه العباءة ) إلى هذه الفتاة ؟
انا اقلها يا بنت الناس الي اقدرها و احترمها زي اختي انتي في زمن والله العظيم زمن يخوف الي ما ينتبه لنفسو والله يضيع من غير ما يحس كل ما تروحي مكان تلقي المغريات تناديكي من كل مكان سواء تلفزيون او سوق او او او انتبهي لنفسك حكمي عقلك انتي انا اقلكم هيا كلكم يا جماعة الصاحب الصاحب الصااااااااااااااحب هوا دا الي يبين ويدل انتي وانتا مين

بعض الفتيات تحتج بأنها ليست مزركشة وتسترها فماذا تقول لها ؟
اقلها خدي لفة في السوق وانتي تعرفي الجواب

في النهاية اقول للصنف دا من البنات
انتو تمشو وتتسكعو قدام شباب وعالم فاضية ومحرووووووووووووووووووومة يعني أي شي يجيكي منهم انتي السبب الاول والاخير


ومعليش على الاطالة
تحياتي
الاهلاوي