[نقاء]

المشاركة الأصلية كتبت بواسطة السموح تسلم يمينك اخوي المنجم صحيح هذا الي جانا الترم الي فات احرص على قيود اليومية لانها مهمه وعليها درجات دسمه وصراحه اختي zaky ماقصرتي ووفيت وكفيتي الله يحقق مناك بهالمادة وكل المواد والـ A+ فائلك

اللهم آمين يااااارب ومن يقول والجميع

تسلم اخوي على الدعوات الطيبه : )

ماسوينا غير الواجب

اخوي نارد عشان اكمل القيود اليوميه وان شالله تجيب فيها الفل مارك


اللي شرحتها لك اول تكون قيود بسيطه يعني فيها حسابين احدهما مدين والأخر دائن

لكن لمن يجيك في السؤال اكتر من حساب

حيكون حالتين : حالة حساب مدين واكثر من حساب دائن

مثال تم شراء أثاث من شركة النصر بمبلغ 5000 ريال سدد نصف قيمته نقدا والباقي على الحساب

اول شي شوف ايش طالب لو قلك اشترى نقدا حتقول من ح/ الأثاث إلى ح/ الصندوق (نقدا يعني صندوق)

بس هنا ايش قلك اشترى أثاث بـ 5000 سدد نص القيمه نقدا يعني من الصندوق وباقي القيمه سددها على الحساب يعني ايش على الحساب يعني دائنين ليش قولنا دائنين لانه اشترى

لو جاك باع على الحساب حتقول مدينين ( مع المشتريات دائنين ومع المبيعات مدينين )

المهم

اللي زاد الأثاث بس اللي نقص الصندوق والدائنين لاني سددت منهم يعني هما اعطوا يعني ساروا في الطرف الدائن

والأثاث اخذ منهم يعني سار في الطرف المدين

وبما انه اكتر من حساب حتقول

5000 من ح/ الأثاث ( تحط 5000 زي ماهيا )

إلى مذكورين ( قولنا إلى مذكورين لانه عندي اكتر من حساب دائن وحساب مدين )

2500 ح/ الصندوق ( نص القيمه زي ماقال في السؤال )
2500 ح/ الدائنين ( نص القيمه زي ماقال في السؤال )
شراء أثاث سدد نصف القيمه نقدا والباقي على الحساب (البيان )



الحاله التانيه اكتر من حساب مدين وحساب دائن


مثال قدمت المنشأه خدمات برمجيه لبعض العملاء بمبلغ 12000 ريال واستلمت عن تلك الخدمات

7000 ريال نقدا والباقي 5000 على الحساب ..

اول شي شوف المطلوب من السؤال قلك خدمات برمجيه الخدمات البرمجيه تندرج تحت ح /ايراد خدمات وهوا من الخصوم طيب قلك لو تلاحظ واستلمت يعني حصلت فين حصلتها جزء في الصندوق(نقدا) وجزء على الحساب راح اقول مدينين لانه قلي قدمت وخدمات يعني خصوم


القيد حيكون

الطرف المدين ( الصندوق والمدينين ) لانهم حصلوا يعني اخذوا والطرف الدائن ايراد خدمات لانه قدم يعني اعطى

حنقول

من مذكورين

5000 ح/ المدينين< لانهم اخذوا
7000 ح / الصندوق< لانهم اخذوا

إلى ح/ إيراد خدمات < لانه قدم يعني اعطى يعني دائن

تقديم خدمات نقدا وعلى الحساب



هذي الحالات لمن يكون القيد مركب او مزدوج يعني فيه اكتر من حساب بس لو بسيط زي ماشرحت لك قبل


انت اهم شي تعرف ايش هيا الأصول وايش هيا الخصوم عشان تقدر ترتب القيد


حبيت اكمل لك شرح اليوميه بما انه الأخوه قالوا مهمه الله يوفقك ويوفقني ويوفق الجميع


عندك اليوم وبكرى ان شالله تشد حيلك وتذاكر ان شالله تجي سهله

دعوااااااااااااااااااتكم : ) ربي يسهل أموري في المواد واخذ الفل مارك وأحول انتظام


أختك: zaky