[(x,y,z)]

هلا والله مينو موووون
ايوا ايوا يابنات الفيزياء دحين طلعتوا , وينكم من زماااان هااااه
تعالي أجاوبك ع أسئلتك حبه حبه ^^

شروط التقديم ع الماستر تلقيها في موقع الجامعة نفسه بالتفصيل ,
يكفي إنك خريجة بكالوريوس وتقديرك جيد جداً أو ممتاز , بس ماأدري إذا الجيد مقبول في جامعة الملك عبدالعزيز أولا لأن الجيد يختلف من جامعة لجامعة ع الأغلب , راجعي موقع الجامعة وحـ تلقي فيه كل شي بالتفصيل والنسب المحددة .

والأسئلة ايوا كانت بالإنجليزي , وفي كل الجامعات تكون بالإنجليزي كمان , بس مو شرط يكون عندك لغة مرررررة كويسه , يعني يكفي تعرفي المصطلحات بالإنجليش وبعض الأساسيات وحـ تفهمي صيغة السؤال والمطلوب منه إن شاء الله .

والتوصيات أكيييييييييد ضروري تجيبي من كليتك توصيتين أو ثلاث .

والله بالنسبة للمذاكرة ضروري تشدي حيلك وتذاكري بمدة كافية قبل الإختبار كل المواد ,
أنا قدمت في جامعة الملك سعود قبل لاأقدم في عزوز بس للأسف ولله الحمد الإختبار فاتني , المهم , كان قسم الفيزياء محدد المواد اللي نذاكرها ومحدد المرجع كمان , بس هنا في عزوز مافيه ولا تحديد , يعني ذاكري كله وربنا يعينك ويوفقك ..
بس أهم شي أهم شي إنك تكوني عارفه الأساسيات من كل مادة , وتكوني عارفة أكبر قدر من القوانين لأن الإختبار أغلبه مسائل واستنتاجات , وأنا بصراحه عقدتي المعقدة الكبيييييييرة هي القوانين , لأني أحس إنو مافيه احد مهما بلغ علمه إنو يسترجع كل القوانين الفيزيائية في نفس الوقت , فمابالك إذا كان الإختبار في كل المواد اللي درستيها في كل السنوات الأربع ..

أنا لسا خريجة طاااازة ياقلبي , تخرجت دفعة 1429 هـ , وصار لي سنة جالسه في البيت لاشغلة ولا مشغلة ..

وعادي ياروحي بالعكس ونستيني انتي والطريق الجديد , لأنو صار لي مادري كم شهر مسجلة في المنتدى أبغى أحد من الفيزياء بس ماطلع لي أحد , وكنت جالسه لحاااالي لين جيتوا انتو

الله يوفقك ياقلبي