[M!ss Mojy]

مرحبآآ صبآآيا كيفكم؟؟! بالرايتنق عندي جزئية ماني فاهمتها من كويز 2 ممكن الي تعرف تشرحها لي part3 شبتر 3 avoiding faulty reasoning الاربعه كلها ماني فاهمتها خخخخخ

طيب ايش هوا السؤال الي جى في الاختبار ؟؟؟

بس حابه اقولك انو ركزي في الرايتنج على الستراتجي تبع كل نوع من البراغرافات لانهم يجيبوا اسئله منها

وبالنسبه للfaulty reasoning

بقولك هوا على فهمي وان شاء الله المعلومه توصل

اول نوع false analogy

يعني انو يعطيكي الرآي مع السبب ويقول انهم زي بعض عشان عندهم شي واحد مشترك

مثلا يقول انو الرقص زي القتال لانو كلهم يحتاجوا شريك

يعني هنا شي مرره اهبل انو يقول انهم زي بعض بس عشان انهم في شي مشترك زي بعض وهما اصلا مرره مو زي بعض

النوع الثاني overgeneralizing

يعني هنا التعميم مثلا always or never

انو انو يقول مثلا انو الرجال الاغنياء كلهم بخلااااء عشان انو هوا يعرف شخص غني مايعطي بخشيش

يعني هنا عمم الشي على كل الاغنياء بس عشان صار له موقف مع واحد

النوع الثالث irrelevent argument

هذا النوع مررره سهل يعني اذا شفتي انو ربط الرآي حقوو بسبب مدري من فين جابو

يعني مالو علاقه بتاتا

يكون هذا النوع

النوع الآخيـــــــر Circular reasoning

هذا جى زيو ف الاختبار

يعني يقول الرأي ويوقولك السبب وهما نفسهم واحد يعني بس يحور الكلام

مثلا يقول احمد مايكذب ابدا لانه دائما يقول الصدق

وياليت ياقلبي تفتحي الكتاب وتشوفي المرين الي بعد هاذي القاعده عشان تفهمي اكثرر

لاني عارفه انو شرحي زي وجهي.... بس حبيت اساعد