رد: lab chem 281
وعليكم السلام ورحمه الله وبركاته:
انا ابغى اشرح لك كيف اختبرتها الترم الحالي :
اول شئ نتكلم عن الاحماض والقواعد كان الاختبار عليها
وطبعاً الاختبار هذا كان مقسم على قسمين نظري وعملي
النظري : اسئله عن الكواشف عن المجموعات الحمضيه والقاعديه ومعادلات سهله وهذا الاختبار الدكتور
يقرر كم عليه درجه بس هى راح تكون ما بين 6 الى 9 درجات.
عملي: هذا مافيه اسهل منه انا انتهيت منه بـ10 دقايق والكتاب امامك وكل شئ مفتوح.
وطريقته يعطيك ملح وتقومي بالكشف عن الشق الحمضي والشق القاعدي وتكتبي بالنموذج الخطوات الثلاثه
للكشف ( الرئيسيه - المميزه - التأكيديه)
الملح :مافيه غير ثلاث مجموعات تحطي كواشفها على الملح على حسب الطريقه المذكوره بالكتاب .
القاعده :في صفحة بالكتاب الاسود تسهل عليكي المسأله بالكامل وهى صفحه 37 .
وكان عليه الاختبار مابين 9 الى 12 درجه .
والاختبار النهائي: اختبرونا على اخر اربع تجارب وكان الاختبار عليها نظري احفظي الاربع قوانين
والاختبار اختياري بس تحطي القانون وتعوضي مباشرة وتختاري الجواب وانتي مغمضه.
وكان عليه 6 درجات.
|