[شانزليزيه]

انا بقولكم تجربتي ولعل وعسى تفيدكم

الترم الي طاف حضرت الدوره والدكتور الي كان يشرحلنا كنا نسئله ونقوله يادكتور الكتاب 700 صفحه تقريبا كيف نخلصه قال في كتاب ثاني يفيدكم ويساعدكم الي و بنك المعلومات..

قلنا نعتمد عليه طيب؟ خاف يقول اعتمدو عليه ونوهقه بعدين . حلو؟

واحد من الشباب الله يوفقه حشر الدكتور لحاله كذا وحاول معاه قله اعتمد عليه واترك الكتاب

حلو؟

اليوم الثاني جانا الدكتور سوينا نفسنا مو عارفين وقلناله ها يادكتور؟

قال اقسم بالله في طالبه ذاكرت من كتاب الف سؤال وجابت 95

الشباب قالو بس مالنا الا هالكتاب

وقلبي كان ناقزني من هالكتاب

المهم مالكم بالطويل

والله سارت سالفه<<<<<<<<<

رحت اشتريت كتاب الحاسب وكتاب الف سؤال

وكنت اذاكر الباب من المنهج وارجع اختبر من بنك المعلومات واشوف والله في اختلاف كبير او بمعنى اصح طريقه الاسئله غير متوقعه

لمن دخلت الاختبار حليت الحمدلله وجبت درجه روعه

والشباب الي ذاكرو بس الف سؤال توهقو وجاااابو العيد

لانها هي على حسب الي يحط الاسئله ,, يعتمد على اي كتاب

نصيحتي لكم خلصو الفصل من الكتاب الاساسي واختبرو نفسكم بكتاب الالف سؤال

خصوصا انه مرتب . يعني الفصل الاول هنا تحصل الفصل الاول نفسه بالكتاب الثاني

لا تحرموني دعوتكم :)

على القوه وربي يوفقكم