[بيو كيميائية ^_^]

الــــســــــــــلام عــــلــــــيـكـم ورحــــمـــة الله وبـــــركـــاتـــه

لا أعرف ماذا أكتب .....مهما كتبت لاتفي الكلمات لا أحد يضحك علي ترى ماأعرف أعبر
كم استفدت منكم ......وكم ساعدتموني......وكم و كم
صراحةً اعتبركم مثل أهلي وأخواني وأخواتي
وأبداً ماحسستوني أني غريبة عنكم
صراحة أنا فضلت جدة عن كل مدن السعودية لأني أحب أهل جدة والحين حبيتكم أكثر
صدق أكره بعض أهالي جدة وهذا شيء طبيعي في كل مكان الزين والشين

المهم أتمنى ماأحد يكون زعلان مني ولازعلت أحد وإذا كنت مزعلة أحد يقول لي أفضل
وأتمنى أني قدرت أساعدكم ولو بشيء بسيط مع أني ماسويت شيء عارفة
فيه أشخاص كثير أثروا فيني وفيه شخص أثر فيني مع أني مو كثير تعاملت معه بكتبه في الأخير لكن

المهم الأشخاص اللي ساعدوني وأثروا في شخصيتي هم

انو ......هي أول شخص أتعاملت معه واستفدت منها كثير وإن شاء الله نشوفك طبية أسنان

سوما ثاني شخص من خلال موضوع ضايع في الكيمياء وصراحة أشكرك علمتني كثير خليتني ماأستسلم بسرعة بس لازم الواحد تجي له حالة إحباط بعدين يرجع قوي .. وإن شاء الله نشوفك طبيب مشهور وتعالج الناس وتكتشف علاج حق انفلونزا الخنازير...

تخصص 13 من جد تذكريني بصديقتي من زمان ماشفتها .....يارب تتحقق أمنيتك

فنتون الغالية برضوا ساعدتيني ....الله يحقق لك أمانيكِ

مرهفة الإحساس حبيتك في الله من أول ماشفتك ربي يحقق لك أمانيكِ

شهودة, مسك,نسيم الوجود, وسن علي, خوخا, بنوته سويت , ربي يوفقكم إن شاء الله ,dr.a

بوزي من زمان ماشفناك في المنتدى إن شاء الله تكون بخير

مزاج الله يوفقك ويفرج همك مثل ماسعدتنا في الأحياء

رايق جداً سابقاً مره ساعدتني في الكيمياء ربي يوفقك وتصير دكتور وإستشاري كبير بعد

فيه أشخاص ناسيه اساميهم المهم شكراً وربي يوفقكم

وطبعاً ماأنسى الإستاذ القدير علي الزهراني مرة مشكور وربي يوفقك ويحقق لك أمانيك صراحة حبتني في الفيزياء

والأخ يلدرم ياما ساعدنا وإستحملنا شكراً

وطبعاً ماأنسى الأخ آينشتاين إلا بسببه قلت عصبيتي حتى أهلي مستغربين كيف هدأت شوي
الكل حاول يقلل عصبيتي بس ماقدروا
أنت الوحيد اللي قدرت .....تصلح تعالج المرضى النفسيين
صرت من أعصب أتذكرك وأتخيلك تضحك علي وأنا ماأحب أحد يضحك علي فماأعصب
والكل خايفين علي يجي لي القلب بس الحمد لله بديت أصير طبيعية مرة أشكرك
وربي يوفقك وتصير أحسن مراقب طيران بس شوف الطيارة اللي أكون فيها أنا أو أهلي تنتبه وتراقب عدل لاتخلي الطيارة تصطدم بطيارة ثانية غير وإن شاء الله تصير مثل آينشتاين بس لاتصير مثله مغرور
أنا دوم أكتبك آخر شيء بس موقصدي شيء بس أنا إذا باطول في الكتابة عن شخص أكتبه آخر شيء

وبس أتمنى مانسيت أحد
أتمنى ماتنقلون الموضوع مكان ثاني
وإن شاء الله راجعه لكم بعد أربعة شهور بصحة وسعادة
راح أشتاق لكم جميعاً حتى جده أتوقع أشتاق لها
وأتمنى تسامحوني
وأتمنى ماكنت ثقيلة دم
أنا كتبت الموضوع الحين لأن قلت بعدين يمكن ماتدخلون خلاص

إذا أحد نسيته لايزعل لأنكم كثير وأنا ناسية الاسامي