عزيزاتي
صحيح عرفتكم في اقل من ساعة او اقل لكن ما اتمنى الا الخير لكم
وحبيت اقول لكم كم معلومة سألت د.حامد عنها..
1- البرنامج 100% انجليزي وعن خبرة فاقولكم حيكون مررة صعب ومضغوط..لا تكتفوا بدورات الانجليش ,,ادخلوا مواقع طبية و اقروا كتب في التخصص من بدري علشان تقدروا تمشوا ..يا انا اتبهدلت ونزل معدلي زي الصاروخ ايام البكالوريس بسبب ان المواد بالانجليزي ال4 اترام الاولى.. مو قصدهم تعجيز لكن الدراسة بالانجليزي مررة صعبة.. وحيكون في دكاترة يدخلوا العربي في المحاضرات بس الاختبارات والمناهج لا
2- قال لي ان البرنامج مدعوم من وزارة التعليم(الواطي
) لكن ممكن يسحبوا دعمهم في اي وقت ونرجع ندفع
3- البرنامج في عملي كتير وفي ساعات كتير راح نقضيها مع الجثث واكتر منها في المعامل مع الشرائح والانسجة لان في مجموعة بنات قالوا لنا ان جزء علم الانسجة اكبر من علم التشريح والبرنامج يفيد الي اتجاهاتهم اكاديمية(تدريس يعني)
والله مااقصد احبط احد لكن من باب الامانة اقول لكم ,,ركزوا على قراءة وكتابة الكتب الطبية وربنا يوفقوكم واشوفكم بعد العيد
