رد: نداء للبنات اللي اختبروا اليوم حاسب
البنات ما قصروا
بس حابة انبهكم على نقطة
الله يرضى عليكم الكل ينتبه
الوقت ثم الوقت ثم الوقت ثم الوقت
ساعه وحده ويعطوكي ورقة وجه وقفا
وحده للآكسس ووحده للإكسل
عن نفسي بديت بالإكسل وبعدين الآكسس
كل الطلبات سهلة مافي شي غريب ابدا .. لكن الوقققققققققققققققققققققت
يبغالك تكوني سريعة بالكتابة بالكي بورد دربي نفسك عشان الجدول مو طويل لكن في كلمات واشياء
وبقولكم الي اذكر انه جا وانتبهوا معايا يا حلوين ..
بالإكسل
جانا جدول نعبيه
وقالوا بالتنسيق كما في الشكل .. انا لاحظت انه بولد وحطيته بولد < غامق
في ناس ما انتبهوا لكلمة "بالتنسيق المطلوب" انتبهوا
الشي الثاني يطلب منك في خلية المجموع تجمع الخلايا وفي خلية اعلى قيمة تحط اعلى قيمة
انتبهوا لا تجمعوا براسكم وتحطوا النتيجة
هما طالبينها بالدالة وترى يبين بالبرنامج لو استخدمتي دالة ولا لا
الجمع طبعا sum
وااعلى قيمة maximum
وتسحبي للباقي سحب
\
شي ثاني بالقيمة الاجمالية يطلب مك تخليها ر.س و فواصل الآلاف
ر.س من تنسيق الخلايا < العملة
فواصل الآلاف من تنسيق الخلايا < رقم حطي صح على فواصل الآلاف
ايوا وكمان يطلبوا منك تحطي شارت "تخطيط"
صراحة هذا الشي ما سويته اا بالنهاية بعد الآكسس لاني حسيت الوقت راح ورجعت له اخر شي وكان الوقت خلص
ماظبط معاي
لكن بليز بنات ادربوا عليه من دحين يمكن يجيبكم
مادري ليش ما ظبط معايا
يطلب شارت دائري
ويقولك خليه في الخلايا التالية
انا لما اسويه ما يطلع دائري حاولوا تطبقوا
وبعدين يقول خليه في ورقة عمل جديدة .. من تحت تروحوا على ورقة عمل جديدة وتلصقوا هناك
ايش كمان يا داعية
اممممممم
ايوا صح كمان يطلبوا منكم تحطوا اسمكم فوق ورقم الصفحة والتاريخ تحت
هذي سهلة من اعداد الصفحة ورؤوس وتذييل
\
على فكرة بالنسبة لتغيير لغة البرامج للي ما يعرف
انا في الاختبار ترى لعبت لعب ههههههه كل دقيقة احط لغة
لان في اشياء اعرف مكانها بالعربي وفي اشياء بالانجلش فكل دقيقة اغير اللغة وارجعها
يمديكم تغيروا من ابدأ >> كافة البرامج>>مايكروسف أوفس>>مايكروسفت تولز>>مايكروسف لانجوج
واول خيار اظغطوةا عليه وبتلاقوا عربي انجليزي اختاروا وبدقيقتها تتغير اللغة عادي
..
هذا الي اذكر
\
بالنسبة للآكسس
يطلب منك بيانات
وتحط مفتاح رئيسي من عندك
ويطلب تنسيق معين انبوت ماسك وانديكس وكذا
وكمان يطلب تسوي معالج واستعلام
وتسوي فرز مره بسيط
بس الله يوفقكم انتبهوا على وقتكم كويس ولا تاخذوا راحتكم كثير مافي مجال للمراجعه
..
الله يفتح عليكم ويوفقكم يااااااااااااارب ..
اختكم .
|