السلام عليكم ورحمة الله وبركاته
مساء او صباح الخير عالجميع
محدثكم خريج تقنية معلومات من هالجامعه العريقة بتاريخ 2016
حبيت اطرح هالموضوع توضيح وتبشير للملتحقين بكلية الحاسبات وتقنية المعلومات
- طبعاً بعد خبرة في سوق العمل لأكثر من 5 سنوات مانسيتكم :)
* مافيه وظيفة *
اكثر كلمة سمعتها خلال الدراسة وابشركم الخير واجد واغلب الدفعة اذا ماهو الكل متوظفين ومتزوجين وعندهم عيال
لذلك الرزق مكتوب ف لاتشيل هم شد حيلك واستمتع في هالمرحلة لأنه سوق العمل راح يكون ضغط
*
وش احسن قسم *
فعلياً مافيه فرق
نظم المعلومات يشتغل مطور تطبيقات
علوم حاسبات يشتغل محلل
تقنية معلومات يتشغل بزنس
مافيه فرق تحكمك الشهادات الجانبية ( itil , pmp, ecba.. إلخ )
والمجال اللي تشوف نفسك فيه
*
التدريب الصيفي *
يعطيك نبذه على الشغل اللي راح تشوفه في سوق العمل شد حيلك احتمال يجيك عرض وظيفي
*
المعدل *
وما ادراك مالمعدل فعلياُ اول ماتبدأ في حياتك بيكون نوعاً ما مهم بعدها الخبره بتحكم وسمعتك في السوق
لكن في حال ناوي تكمل ماجستير لازم تنتبه انه ماينزل عالاقل عن الجيد ولاتنسى تاخذ توصيتين من افضل مواد عندك
اخيراً شد حيلك واطلع الرياض خليها المحطة المقبله الخير هناك رواتب وبدلات افضل
ماتدري ممكن نكون زملاء عمل
لو فيه استفسار او توضيح اذكروها لي وابشروا
سمعتكم في سوق العمل واصله لنا فخور فيكم
يعطيكم العافية