رد: المتقدمين والمتقدمات للماستر في جامعة جــدة
ابشركم جاني قبول الحمدلله و طبعا بعد ما فقدت الامل نهائيا .. ماجستير ادارة الموارد البشرية .. و كنت اليوم متواجد بجامعة جدة للمطابقة و الحمدلله قالوا لي سنرسل لك الرقم الجامعي ع رسالة نصية .. و على قد ما انا فرحان على قد ما انا زعلان لانهم فقط اختاروا خمس اشخاص لتخصص ماجستير موارد بشرية ..
ابغى اسأل .. الدراسة بالعربي او بالانقلش ؟ الحضور يومي او اسبوعي حسب المحاضرات .. الله يعين المشوار بعيد شوي مع اني من سكان جدة ..
ملاحظة هامة: من خلال تواجدي اليوم بجامعة جدة اكتشفت ان الخمس طلاب المختارين كانوا افضل مني في المعدل و اختبار القدرات .. مع ان معدلي التراكمي 4.62 من 5 و درجة القدرات 75 .. يعني دوافير ما شاء الله عليهم .. و كمان قابلت طالب معي قالي ان جامعة الملك عبدالعزيز تعطي العشر درجات ع اساس اللغة و نوع الشهادة (انتساب) مو زي ما قالوا ع حسب قرب التخصص او الدورات .. بمعنى اللي انتساب و معدله مو ممتاز لا يحاول .. لانو انا تقديري ممتاز و حطوني في الاحتياط رقمي 62 و نزل 59 و بعدها سيفون هههههه .. بس جامعة جدة ما قصروا اعطوني 8 من 10 و جامعة الملك اعطوني 3 من 10 .. و تخصصي في البكالوريوس موارد بشرية مع خبرة عشر سنوات في الموارد البشرية و عندي فوق 30 دورة في الادارة و الموارد البشرية و فوقها خمس دبلومات منها دبلومين واحد عام و الاخر متقدم في تخصص الموارد البشرية من جامعة اكسفوورد ببريطانيا .. خلاصة الكلام لا تستسلموا و حاولوا و دوروا واسطات و افعلوا المستحيل و اعيدوا اختبار القدرات و اللغة و خذوا دورات في نفس التخصص .. و تذكروا ان العلم نور و الجهل ظلام ..... و بالتوفيق للجميع ان شاء الله
|