[غيم تايه]

المشاركة الأصلية كتبت بواسطة .بيان تقديري جيد (2.84) ، و ما عندي اي امكانيه اني ادرس برا جده مو بس برا المملكه بس هل يشترط الامتياز لقبولي كاداريه؟ و ابي استفسر الله يسعدك هل يوجد ماجستير خاص (برسوم) يعني اكمل ب رسوم فصليه؟ و اذا موجود ايش التخصصات المتاحه و ايش شروطهم و كم رسومهم!! يعطيكم العافيه مقدما 🌸

اختي التصنيف الوظيفي .. التصنيف الوظيفي .. اهم شيء مواصفات الوظيفية حسب التخصصات بمعنى لو وظيفة تشترط تخصص ادارة لو يتقدم عليها شخص تخصص ادارة وبتقدير مقبول
ياخذها لو منافسينه ممتاز من تخصصات اخرى .. وايضا تاريخ التخرج المتخرجين القدامى في الخدمة المدنية تعطيهم نقاط عند المفاضلة ..
فيه وظائف عاد هذه عائمة بمعنى تأخذ من اي تخصص مثل مساعد اداري او كاتب .. لكن مسجل معلومات يشترط فيها شهادات اخرى مساعدة مثل دبلوم في الحاسب أو الشبكات ..

ممكن تصوري ملفك وتراجعي الجهات الحكومية اللي فيها اقسام نسائية وتكتبي معروض وتقدميه على المدراء بحيث تتوظفي على بند الأجور او بند المستخدمين .. ولا هي سهلة رواتبهم ..
يعني الثالثة والثلاثون الآن تأخذ اربعة الاف .. ولو تجدين وظيفة فئة د هذه تعادل مرتبة رابعة .. منها تكسبي خبرة ومنها تكسبي سنوات خدمة وفي اي لحظة يجيك تعيين على وظيفة افضل
تروحي وتحسب لك سنوات الخدمة وما تدري يمكن يجي مرسوم ملكي بالتثبيت عاد هنا يعادلون لك الشهادة بالمرتبة السادسة وتحسب كل ثلاث سنوات قضيتيها على راس العمل بمرتبة ..
جربي كلامي وحاولي تشوفي ناس تعرفيهم يساعدوك .. فيه جهات فيها اقسام نسائية وعلى فكرة ممكن تتعيني على وظيفة مراسلة والمهام تكون ادارية بحته يستفيد منك العمل في جهة اخرى ..

اتمنى لك التوفيق"""