وعليكم السلام ورحمة الله وبركاتة
مبارك عليكم الشهر اختي الكريمة
بالنسبة لاستفسارك نعم يوجد قبول لغير السعوديين في الجامعة بشرط النسبة الموزونه لاتقل عن 94 هذي كانت مطلوبه العام كحد ادنى ماادري لو زادت هالسنه بس بكل الاحوال ماشاء الله لاقوة الا بالله انتي منطبق عليكي الشرط
وبقية الشروط هي نفسها المطلوبة من الطلبه السعوديين
وبالنسبة لطريقة التقديم عادي يقدموا بنفس الوقت المتاح فيه التقديم للسعوديين على الانتظام يعني تابعي التقويم وسجلي بموقع الجامعه بياناتك ورغباتك الخ اعتقد صار اسمها بوابة عزز ومنها تتابعي قبولك
لكن حسب مااعرف انه القبول الرسمي يجي متاخر لغير السعوديين يعني مثلا لو جالك ترشيح لقبول في الموقع ع صفحتك بتضطري تنتظري ممكن فصل دراسي واحد وتكملي اجراءات القبول وخلافه وتبداي دراسه عالفصل الثاني
في كل الاحوال اتوقع تحتاجي مراجعة عمادة القبول والتسجيل حتى تتابعي قبولك لكن مبدئيا لازم تقدمي من النت وبعدها راجعيهم ان جا ترشيح قبول حتى تعرفي ايش الخطوه الثانيه
وفيه اكيد مواضيع سابقه في المنتدى تفيدك اكثر بهذا الخصوص ابحثي في المواضيع وبتلقي ضالتك ان شاء الله
ربي ييسر امرك ويحقق مرادك