كنت بين انه اتوكل على الله
واحذف الترم او اكمل الاختبارات تقربياً شعرة وحده وبصراحة بسبب انه قبولي ما تم الا قبل الاختبارات باسبوعين
وبدعم من الاصدقاء وكذالك بعض الاعضاء هنا في المنتدى قررت اخطي خطوة انه ادخل الاختبار
والحمد لله وبفضل منه تجاوزت كل المواد وبمعدل 4,3 والحين هذا انا توي بديت في مذاكرة الخطة أ
بصراحة من كل ذا الكلام انه البعض يعطيك ترهيب عجيب ويخوفك من الدراسة وخاصة حديثي عهد بالتخرج
ذولا لا تطرح عليهم اي سؤال عن الجامعة لانه يهول الموضوع مسوي فيها انه انا الطالب القوي اللي تخرج
من الجامعة وانت لو تشوف الوثيقه بتحصلها مقبول مع مرتبة الشرف ولذلك لا يهمكم احد المناهج والله ما فيها
ذيك الصعوبة صحيح انه في مواد تحتاج شرح مثل مادة الاحصاء بصراحة جبت فيها مدرس وبثلاث حصص
عرفت انه المادة اسهل من المويه مجرد ارقام تحطها في القانون اللي تمنح لك في الاختبار كذالك ما تحتاج تحفظه
وراح يطلع معك الناتج يعني الموضوع سهل كل القصة تحتاج تركيز بسيط