[Loveless]

المشاركة الأصلية كتبت بواسطة siham alharbi السلام عليكم عندي كم سوال للاخصائين والأخصائيات ف جده 1-هل الهيئه محدده المستشفيات الي نتدرب فيها او لا ؟ واذا قدمت هل احدد لهم المستشفى الي اتدرب فيه او هم يحددون لي المستشفى+ وهل يطلبون خطاب سابق من المستشفى ان اتدرب فيه؟ 2-بنسبه للبنات اللي سبق و تدربو هل فيه لبس رسمي مثل السكراب الكحلي مع الاب كوت او بعباتك وتلبسي عليها الاب كوت ؟ 3- واجهتكم صعوبات باللغه الانجليزيه او لا ؟

أهلاً و سهلاً، و عليكم السلام و رحمة الله و بركاته..

١- ايوه ، لما تستلمي خطابك من مقر الهيئة يقولولك عندك مستشفى كده و مركز كده و انتي على كيفك تختاري ايت وحده و هيا الي تتجهيلها و توديلها خطابك خلاص.
انتي دحين اول شي تروحي الهيئة بأوراقك و هما الهيئة نفسهم بعد ما ياخدو اوراقك يقولولك راجعينا بكره يجهزولك خطاب بإسمك موجه للمستشفى فيلو المدة اللي حتتدربيها الي هما قرروها على حسب انتي انتساب او انتظام و على حسب سنة تخرجك، وبعدين انتي الي تودي الخطاب للمستشفى، ما يطلبو منك المستشفى خطاب قبل من الهيئة.

٢- أنا اتدربت في مستشفى عرفان ، و ايوه كان عندنا لبس رسمي اللي هوا اللاب كوت الكحلي، و مافي سكراب.. تلبسي الي تبغي بس اهم شي اللاب كوت عشانك في مستشفى و اللون محدد عشان تباني متدربة يعني.. كان في كم بنت يجو بعباياتهم بس كان الدكتور ينبههم انو احترامًا للقسم و التدريب لازم يلتزمو باللاب كوت..

٣- ممكن توضحي أكتر؟ من أيت ناحية واجهتنا صعوبة؟ ازا قصدك التدريب نفسو لا مره مافي انقلش كلو عربي كان!

أتمنى اكون جاوبت على اسئلتك و لو عندك سؤال تاني انا حاضره ^ـ^

بالتوفيق!