[لوزانا]

انا إن شاء الله تخرج هذا الترم وعندي ثلاث مواد

إقناع , وحلقة بحث و مشروع تخرج

بالنسبة لحلقة البحث مع الاستاذة إبتسام كشميري والكتاب المقرر كيف تكتب بحث او رسالة لأحمد شلبي

الشرح كان من سلايدات وتحتوي على النقاط الاساسية بشكل مختصر لمحتوى الكتاب اما بالنسبة للمذاكرة من الكتاب وليس من الشرائح

وبالنسبة للتلخيص طلبت منا إختيار اي كتاب عن التاريخ ولكن من خارج الخطة الدراسية وممكن سيرة عن شخصية تاريخية مثل طارق بن زياد , محمد الفاتح ,,,الخ

وبشرط ان يكون الكتاب مقسم لفصول وإختيار فصل واحد وتلخيصه في 5 ل 10 صفحات ولا تزيد عن ذلك . وتسلم وقت الإختبار ضروري

قالت ماراح تقبل انه نرسله بالإيميل نهائي وعذراً في معلومة عن كيف يكون شكل التلخيص بالنسبة للصفحة الأولى ولكن لا يحضرني حالياً ان شاء الله ارجع للمحاضرة وارجع اكتبها

بالنسبة للإختبار راح يكون موضوعي " صح وخطاً , اكملي الفراغات , صلي , اختاري "

وبالنسبة للتواصل عن طريق الإيميل لو في سؤال تلاقوه في الأودس كمان عملنا قروب بالواتس بس الاستاذة ما دخلت معانا


*******

اما مشروع التخرج مع الاستاذة هالة شريف

في البداية وزعت علينا كل وحدة عن مين تسوي البحث مثلاً الخلفاء الراشدين اوالعشرة المبشرين بالجنة او صحابيات , انا عن الصحابي طلحة بن عبيدالله

البحث راح يكون يشمل صفحة العنوان , والمقدمة والإهداء والشكر , الفهرس , محتوى البحث , الخاتمة , المصادر والمراجع .

طلبت مننا اننا نجمع على الاقل 3 مصادر ومن 3 الى 6 مراجع , عن نفسي لقيت 3 مراجع والمصادر يمكن 6

للتفريق بين المصادر والمراجع " المصدر كل كتاب تم تأليفه من القرون الأولى بعد الهجرة إلى القرن الثاني عشر 1200هـ ومابعدها يعتبر مرجع "

طلبت مننا في المحاضرات إننا نجهز خطة البحث راح ارفق لكم خطتي راجعتها معاها وقالت كويسة ممكن تطلعوا عليها وتستفيدوا منها

وتسليم البحث راح يكون في اول ربيع 1 / 3

عموماً لابد من انكم تسمعوا المحاضرات وتركزوا على كل نقطة قالتها

واللي ماقدرت تدخل ضروري تتواصل مع الاستاذة عشان تعطيها موضوع البحث

اعطتنا رقم جوالها وسوينا قروب بالواتس عشان إذا في سؤال والإيميل موجود في اللأودس تقدرو تكلموها هناك

في نقطة نسيت ما اكتبها في ملاحظات الخطة بالنسبة لصفحة الإهداء والشكر راح تكون بعد المقدمة وقبل الفهرس وماتزيد عن 5 او 6 اسطر تهدي اللي تبغيه

الاستاذة , اهلك , الاشخاص اللي ساعدوك في البحث ووو الخ

إن شاء الله قدرت اذكر لكم النقاط المهمة لو في سؤال بخصوص دي المادتين مع نفس الاستاذات إن شاء الله اقدر اساعدكم