[فندام]

المشاركة الأصلية كتبت بواسطة Danger الله يعطيك العافيه يارب كفيت ووفيييت كل شيء صار واضح بالنسبه لي الآن بس يلي مستغربه منه يعني ندفع فلوس وكمان يتخيرو بين الطلبه هذا الوضع للاسف واحد اسبابه هو الزيادة المضطرة في اعداد المتقدمين ومحدودية المقاعد المتاحة بمختلف البرامج الصراحه كنت متحمسه ادرس بس من بعد مافريت في المنتدى اتحطمت لانو حسيت القبول صعب مافي داعي تتحطمي حافظي على حماسك واندفاعك القبول صحيح انو صار صعب لكنه مو مستحيل وانت معدلك يؤهلك للقبول باذن الله خصوصاً انو التخصص يلي ابغاه غير عن تخصصي في البكالوريس الا هو المحاسبه وغير كذا ماعندي خبره فيه بالنسبة لتخصص المحاسبة انا خريج قسم المحاسبة بمرحلتي لببكالريوس والماجستير وفي معلومة مهمة لازم تعرفيها وهي انو قسم المحاسبة يشترط لقبول المتقدم بمرحلة الماجستير ان يكون تخصصه في مرحلة البكالريوس محاسبة او تخصص مرتبط بالمحاسبة او يعتبر امتداد له مثل الإدارة المالية اما اذاكان تخصص المتقدم غير كذا فحيتم استبعاده فورا وهذا الاجراء انا اشوفه منطقي وواقعي جدا على الرغم من انو حيكون مزعج للكثيرين لانو تخصص المحاسبة عيارة عن سلسلة مترابطة كل حلقة فيها مرتبطة بحلقة اخرى فاساسيات ومبادئ كل فرع من فروع المحاحسبة يتم دراستها في مرحلة البكالريوس والإالمام بهذي المبادئ والأساسيات مهم جدا للإلتحاق بمرحلة الماجستير لانو بمرحلة الماجستير استاذ اي مادة ماحيعيد شرح المبادى والاسس الخاصة بالفرع الي تمثله هذي المادة الي بيدرسها حيعتمد انو هدي المبادئ تم تدريسها بالبكالرلريوس وانو الطلاب عارفينها خلاص وتخخص المحاسبة كما ذكرت مرتبط ببعضه فلايمكن انو االطالب يدرس مادة المحاسبة المتوسطة على سبيل المثال الا اذا كان درس مادة محاسبة 101 ومادة المحاسبة 102 والا ماحيفهم شي بمادة المحاسبة المتوسطة وحتكون زي الطلاسم بالنسبة لو ومايمكن يدرس المحاسبة الإدارية الا بعد مايدرس مادة محاسية التكاليف وهكذا ولذلك انصحك تختاري برنامج ماجستير اخر غير المحاسبة والافضل انك تكملي دراستك بنفس مجال تخصصك بالبكالريوس الى هو لغة انجليزية لانو اختلاف تخصص الماجستير عن تخصص البكالريوس حيسببك مشكلة بعد التخرج هذي المشكلة تتلخص في انو وزارة الخدمة المدنية ماحتعتمد شهادة الماجستير تبعك لانو تخصصها مختلف عن البكالريوس وحتى في القطاع الخاص ممكن يصير معك نفس الشي مع انو القطاع الخاص اقل تشدد في النقطة هذي من وزارة الخدمة المدنية وفي هذي الحالة السهادة الي حتعتمد هي الشهادة الاسبق الي هي شهادة البكالريوس عشا ن كذا الافضل انك تكملي بمجال تخصصك الي هو اللغة النجليزية او في تخصص مرتبط به او يعتبر امتداد له وحتى لو قررتي تقدمي في برنامج الابتعاث الخارجي لمرحلة الدكتوراه بعد كدا اتوقع حتواجهك نفس المشكلة فحرام تتعبي وتجتهدي وسنتين من عمرك تروح وبعدها تفاجئ انو شهادة الماجستير تبعك ماحتفيدك ففكري مزبوط في النقطة هذي وبعدها اتخذي قرارك يعني تعقيد من كل ناحيه لكن بختبر واتوكل على الله وابذل الاسباب واذا ربي كتب لي فيها نصيب كان بها والحمدالله على كل حال لاتبالغي كثير اختبار القدرات العامة للجامعيين اختبار الزامي في كثير من الجامعات خارج المملكة والاختبار بس بدو استعداد جيد وحتحققي فيه اعلى الدرحات باذن الله هو صحيح القبول صار صعب وفرق الوضع عن السنوات السابقة لكنه مازال ممكن ومتاح ماوصل لدرجة المستحيل او الصعب جدا انت ابذلي جهدك وخدي بالاسباب واتوكلي على الله وقدمي وحتكوني من المقبولين باذن الله طلب اخير ياليت تعطيني رابط الدورة حقة القدرات وعن تجربه هل حسيت نفسك استفدت منها ؟

تفضلي هذا الرابط تبع موقع منتديات قدرات

http://www.qdrat.com/vb/

عن نفسي حقيقة انا ماحصل وسجلت في هذا المنتدى او حضرت اي دورة عقدت فيه عن اختبار القدرات العامة للجامعيين لكن بناء على اراء الكثير من الاشخاص الي


التحقو بهذا المنتدى اقدر اقول انو جدا مفيد ويساعد الشخص على تحقيق اعلى الدرحات بالاختبار وعلى فكرة رسومهم جدا معقولة اعتقد انها في حدود 300 ريال


اتمنى تكون الصورة وضحت لكي ولو عندك اي استفسارات اخرى اطرحيها بدون تردد


وبالتوفيق