[الشيمآء]

المشاركة الأصلية كتبت بواسطة روان الصحفي السلام عليكم مساء الخير.. احم اليوم كان عندي مقابلة وظيفة فنية مختبر كيمياء بجامعة الملك عبدالعزيز فرع خليص وحابه اقولكم ايش صار معي حضرت من الساعه 8 والمقابلة كانت 9 جلست في البوابة لين سمحو لنا ندخل وبعدها انطلقنا مع موظفة الامن الى مبنى2 كلنا بنات الكيمياء والحاسب وبعدها جلسنا في قاعة ووزعو علينا ارقام وجلسنا ننتظر وبعدها اخذوا الخمس الارقام الاولى ( انا كنت رقم 4 وصحبتي 5 ) وعلى غرفة انتظار ثانية جلسنا وبعدها بدأو بالترتيب الى ان جاء دوري على الساعه 10 ونص دخلت على اللجنة الاولى ف مكتب وكيلة الكليه ومعها وحدة تانيه تقييم من الشكل والمظهر والانفعالات وكدا اظن لانها كانت تطالع فيني وتكتب اما الوكيلة سألتني عن اسمي ووين ساكنة ومعدلي واخدت وثيقتي وعن اذا عندي خبرات او لا فقط وطلعت ثم بعدها قالو لسى انتظري حتدخلي لجنة المقابلة بس تخرج صاحبة رقم3 وانتظرت تقريبا 10 دقائق واخيرا جاء دوري توكلت على الله ودخلت كانو خمس استاذات ثنتين مصريتين والثلاث الباقين سعوديات سلمت وجلست واقفه بعدها قالو لي تفضلي جلست سألو عن اسمي وطلبو اوراقي وقالو لي اسحبي ظرف من دا الصندوق واقرأي الاسئلة وجاوبي سميت بالله واخدت وفتحته كانو ثلاث اسئلة وكل سؤال بفقرتين زي كدا : السؤال الاول : ما الأكسدة والإختزال؟ لماذا لا نستخدم حمض الهيدروكلوريك كوسط حمضي في معايرات تفاعلات الاكسدة والاختزال في وجود برمنجات البوتاسيوم؟ السؤال الثاني اذا انسكب سائل البروم على البشرة كيف نسعف المصاب ؟ نغسله بالماء وندلك البشرة جيدا بالجلسيرين ههههههه لحسن حظي كانت الاجابة مكتوبه وبكل صدق قلت لهم ف تفاجأو قالو طيب نسألك سؤال غيره : لو انسكب حمض على البشرة كيف تتصرفي ؟ الفقرة التانيه لنفس السؤال دا كان عن : صورتين من صور السيفتي : الاولى كان لونها اخضر وكانت صورة لنقطة تجمع وللاسف ماجاوبت عليها مرا راحت عن بالي والتانيه كان لونها احمر وفيها عود ثقاب والحمدالله جاوبتها السؤال الثالث : كان ثقافة عامة كم مساحة المملكة؟ كم عدد احزاب القران ؟ والحمدالله جاوبتها بعدها جلست تسألني ليه ماعندي خبرات وكدا وشافو شهادات التفوق قالو ماشاءالله من فين متخرجة ومتى تخرجتي وبعدها شكرتهم وطلعت والحمدالله كانت اول مقابلة لي واحس اني راضية تماما عن نفسي وراضية بكل شئ يكتبه لي ربي وربي يوفقني ويوفقكم يااارب صح نسيت اقول عدد المرشحين كانو 20 مرشحه وانا 21 اما قسم الحاسب فقط 10 مرشحات ومسائكم خميس

وعليكم السلام ورحمة الله وبركاته

حلو ما شاء الله
بسألك ما ركزوا في نقطة إنك خريجة بيوكمستري والوظيفة "كمستري" لاب تكنشن؟

المشاركة الأصلية كتبت بواسطة المحبـــوب سلام ياجماعه انا كان عندي مقابله الساعه واحده غني مختبر احياء حيوان نفس طريقة الشمياء اسئله عن التخصص وسؤال عام واسئله عن المجهر 1-العصاره الصفروا....... 2-اذا وضعت خليه في محلول زائد التركيز اي ضغطه مرتفع فماذا يحدث للخليه 3-طريقة عمل انابيب الانابيب 4-ماهي اصغر دوله عربيه من حيث المساحه 5-يستخدم جهار الاتكلوف ..... وبس متى تتوقعون يردون علينا

وعليكم السلام ورحمة الله وبركاته ~

الرد بياخد وقت، لو اتبغلتِ بالمقابلة باتصال حاولي ترجعي تتصلي عليه بعد مرور أسبوع،
ولو إنه احتمال كبير جدًا إنهم ما يردوا :/

الله يوفقكم ويكتب لكم القبول