[حليمه احمد]

باكك

الاسئله الاختياريه كتييره ومو فاكرتها كويس فحاقول الي فاكرتو وبصيغتي وسامحوني والي تفتكر برضو تكتب وتساعدني

بصراحه اتوقعت الاسئله تجي اسهل من كدا بس الله كريم

اول سؤال كان عن عدد طالبات ودرجاتهم واطلع الانحراف المعياري


فيه سؤال جا عن عن رسم بياني للمنحنى التكراري وعليه خيارات هل هو مننحى تكراري او مدرج تكراري او منحنى تكراري هابط شي زي كدا


سؤال عن عدد طالبات برضو ودرجاتهم واطلع التباين منهم


سؤال عن مجموعة ارقام وتطلعي الوسيط طبعا جابو الارقام مخربطه انتي ترتبيها تنازلي او تصاعدي وبعدين تطلعي الوسيط



سؤال يقول العصابيه

ميل , سمه , ونسيت الخيارات التانيه اخترت ميل ومعرف صح او خطا



فيه سؤال كان يقول هو يتضح من نظرة الانسان لنفسو وسلوكو وتحمل الالم

من ضمن الخيارات الهلع , اضطراب الخوف من الموت وخيارات مو فاكرتها ومدري ايش حليت اتوقع حلي خطا



سؤال يقول هو يتضح من حساسية الانسان المفرطه والخوف من النقد

الخيارات الخوف الاجتماعي , الهلع الخ نسيت بس اخترت الخوف الاجتماعي



فيه تعريف كدا جابوه واجابتو كانت الجانب الوجداني يعني تعريف الجانب الوجداني عند الانسان



جابو تعريف الاحصاء الوصفي الي هو معلومات عن العينه وكان فيه خيارت

احصاء وصفي احصاء استدلالي و الخ والصح وصفي



جا سؤال انو بحث عن تاثير متغير باخر وتختاري ايش المنهج المستخدم

وسؤال بحث عن مسح او وصف ظاهره وتختاري المنهج المستخدم



الاحصاءه والمعلمه جت تعريف وحده منهم وتختتاري وحده منهم من الخيارات



جا تعريف ومن ضمن الخيارات كان اجابتو القياس



سؤال عن اختبار لقياس القدرة العقليه الي هو وكسلر



فيه سؤال جا عن اختبار رورشاخ ايش الجزء من الاختبار الي يدل على الضبط العقلي والسيطره العقليه

الخيارات

الشكل الحركه اللون التضليل
الاجابه الصح الشكل وانا حليتها خطا



المصطلحات الانجليزيه جا المتغير المستقل
واختبار نسيت اسمو انو اكمل الدائره شي زي كدا اصلن اول مره يمر عليا ههههههه
واختبار ت بالانجليزي جا السؤال انو دور دا الاختبار يقيس ايش واختيارات انجليزيه ومن ضمنها اختبار ت
وجا موضوع بالانجلييزي انو موضوع بحث اعتقد ومن ضمن الخيارات ايش ترجمتو بالعربي
واعتقد الاجابه الصحيحه العلاج والارشاد النفسي



العلماء والمدارس جت اسئله كتييره عنهااا

جا عن فرويد و بياجيه والتعلم الاجرائي اعتقد لبافلوف والعالم الي احدث ضجه في مجال التعلم مدري مين هو بالزبط وعن وكسلر برضو وعن مدرسة الجشطلت والمدرسه السلوكيه والاتجاه البنائي والوظيفي وجا تعريف عن الاتجاه المعرفي واسئله عن الاتجاه الانساني وتعريفو والعالم المهم في الاتجاه الانساني والعالم المهم فالاتجاه المعرفي
واول عالم سوا معمل تجريبي وهو فونت


يعنني تقريبا شششامله لكل شي



جا سؤال عن تقسيم ماوسلو ايش الحاجه الي كانت اعلى الهرم والاجابه تحقيق الذات

جا سؤال ذكريات كامنة موروثة عن الماضي الإنساني الخ

ومن ضمن الخيارات اللاشعور الجمعي , اللاشعور الفردي الخ والصح الجمعي



الاختبار كان مشي حالك ومو لاني مازاكرت الا زاكرت بس ركزت على اشياء عكككس الي جت وزاكرت معلومات عامه وقدرات وماجا منها شي
وماتوقعت حيكون الاختبار كدا دقيق ومعلومات كتييييييره وفي كل مجال

عدد الطالبات معرف بالزبط ي ليت الي تعرف كم تقولنا بس الي اعرفو انو كانو محدديلنا 4 كلاسات للاختبار وانا جيت متاخره وخشيت 407 وكان فيه عدد طالبات كتير تقريبا مشالله

لسسى بقي اسئله بس ناسيتها اول ماافتكر حنطلكم واكتبها