[بانا]

المشاركة الأصلية كتبت بواسطة سقراط الغريب بالنسبة لي أفضل جامعة تبوك لأسباب كثيرة أولها الدراسة باللغة العربية وأهم نقطة ان الدراسة يتخللها تدريب عيادي 1000 ساعة داخل عيادة نفسية وفق المعايير العالمية للأخصائي النفسي الاكلينيكي بالنسبة للغة الانجليزية فيها بشكل متوسط بمعنى انهاء المستوى الرابع أو الخامس في اللغة . جامعة الدمام الدراسة باللغة الانجليزية وفيها متطلبات التوفل وفي كلية الطب وبتكون فيها جانب اللغة مهم بحكم أن المحاضرات لغتها انجليزية , طبعاً التخصص ماجستير في علم النفس العيادي نفسه لكن اختلاف طريقة التدريس مابين جامعة الدمام وجامعة تبوك .. أما البرامج العالمية المعتمدة في علم النفس العيادي دائماً ما ينصح في استراليا بحكم تطبيقها المعايير وشهادتها تكون معتمدة وقوية على مستوى العالم بسبب انتهاجها أسلوب التدريب 1000ساعة. بالتوفيق يا مصون ..

السلام عليكم اخ سقراط

بما انك اخصائي نفسي ماشاء الله يعني من واقع تجربه هل تأييد ان دراسه الماجستير في هالتخصص تكون باللغه الانجليزيه ؟؟ يعني هل من المفترض والافضل ان الاخصائي النفسي يكون ملم بقدر كبير من اللغه الانجليزيه في هالتخصص .

انا الصراحة ودي اسافر واكمل دراستي برا موضوع اللغه مهم والتدريب هناك اكيد بيكون افضل لاكن متخوفه كثييييييير الدراسه باللغه الانجليزيه موذاك الموضوع السهل اكيد فيه صعوبه كبيرة .. غير كذا ضروفي ممكن ماتتسهل لي ادرس برا بس مابليد حيله .

حبيييت فكرة الدراسه في جامعه تبوك وانها بالعربي والمميزات الي قلت عليها ممممتازه بس تعرف كل مابشوف الي حولي سافرو اتمنى لي الافضل لان شي جد بمثابه حلم بالنسبة لي .

الان انا قاعدة اتدرب يومين في السبوع وباقي الايام فاااضيه .. تنصحني اتدرب او اتطوع في مكان او أي شي معين اسويه ؟؟ لان الصراحة المكان الي بتدرب فية ماعلينا ضغط وكل الي بناخذو نظري ولسه حتى ماتعاملنا مع حالات فحاسه اني محتاجه تدريب اكثر الخبرة لسه صفر خصوصا ان دراستنا كمان في الجامعه كلها نظري .

حابه اعرف كمان متى التقديم على جامعه تبوك ؟؟


اعتذررر اخ سقراط على الإطالة بس جد الحمد لله بعد الله لقيت ضالتي عندك .
وجازااااك الله كل خير في الدنيا والاخره .