[M!ss so0so0]

المشاركة الأصلية كتبت بواسطة نسيم الامل الله يرزقنا a+ زيك بس انتي شاطحة شوي انا اعرف اللي يذاكر من فيديوهات زويل الافضل له انه يشتري ملخصه ويطبق عليه لان حسب ماشفت بالفيديوز الرجال يشرح من ملخصه الدرس كامل ووافي ومقسم بحيث يخليك تستوعبين مرة وحدة لكن انا بشوف احمد العربي هذا بما انك كنتي تذاكرين منه خصوصا انك قلتي افكار زويل اللي بالفيديو تحصلينها عند العربي يعني واحد من الاثنين ناسخ ملزمة الثاني الله يعين وربي كثرة المصادر تشتت

انا من الناس اللي احب اذاكر من اكتر من مصدر نادرا اعتمد على مصدر واحد اذاكر منه
اعرف انت من اي فئة
انا كنت افتح المقاطع واسمع الشرح واشوفه وهو يحل المسائل بس اسمع وبعدين ابدا اطبق على المسائل اللي في ملخص احمد العربي والاقي نفسي فاهمة واعرف احل
عموما براحتك جرب الملخص اللي يناسبك
الفيزياء يبغالها تركيز هي سهلة بس لازم تحفظ القوانين وتنتبه للمطلوب من السؤال وتعرف متى تستخدم القانون .. وتعرف تستخرج المعطيات وكده مع التدريب على المسائل بيصير الموضوع سهل
كلما تدربت على الحل كلما كانت درجتك احسن
في اغلب الملخصات بتلاقي نماذج اختبارات سابقة تدرب عليها تمااام غالبا يجي منها مع اختلاف الارقام .. وعن نفسي مااشتريت الكتاب الاساسي ولاذاكرت من سلايدات دكتورتنا بس مشيت عالملخصات والحمدلله مبسوطة
كل واحد يشوف الملخص اللي يناسبه فيه ناس ماارتاحت لملخص احمد العربي وارتاحوا لاشرف بركات مثلا عادي الموضوع نسبي شوف اللي يناسبك


.. وانا اخترت كلية الادارة والاقتصاد بارادتي حطيتها الرغبة الاولى رغم ان معدلي الحمدلله حلو بس هادي ميولي ومن قبل ادخل الجامعة وانا مقررة ادخل دي الكلية
وبالنسبة للاخ the first ترا عادي كلنا دفعة 14 اغلبنا مسجلين في 2013 ايش فيها العام سجلنا في المنتدى ؟
وانا لسه اول ترم لي في كلية الادارة .. المستوى 1و2 كانو بالتحضيري والتالت هو اللي انا ادرسه حاليا


الرياضيات .. درجتي كانت فيه مو مره حلوه . اسالوا احد تاني غيري عنه



مهارات الاتصال والحاسب .. سهلة جدا تتذاكر من الكتاب وترفع المعدل كتير
الحاسب لاتتهاونوا فيه ركزوا في العملي والنظري صح انه سهل بس يبغاله مذاكرة


الانجليزي .. كنت اذاكر التمارين اللي نحلها مع الجرامر والفوكابلري .. حتى القطع اقراها ولو فيه كلمة مافهمتها ترجمها
وماانصح احد يسحب عالكلاسات ترا بتستفيدوا فيها كتير حتى لو كانت مملة


الكيمياء . كنت اذاكر من فيديوهات يوسف زويل مررة استفدت منها وكنت احل بعض الاختبارات القديمة والحمدلله راضية عن النتيجة + السلايدات


الاحياء.. سهل جدا بس بتتعبوا كتير وانتو تترجموا وتحفظوا المصطلحات واحيانا تكون داخلة معاكم شباتر كتير ويبغالك تحدد له 4 ايام مثلا تذاكره فيها لانه ياخد وقت في المذاكرة
وبالنسبة للبنات ركزوا عالرسمات كتير لان اسئلة كتيرة كانت تجي منها طبعا من السلايدات كنت اذاكر



الاحصاء .. ماابغى اخوفكم بس من جد لاتستهونوا فيها . عن نفسي كنت اذاكر من اوراق مدرس خصوصي واحل الاختبارات القديمة . واحيانا اذاكر من السلايدات
ولازم تشوفوا دكتور يشرح كوويس
وان شاالله اكون افدتكم وبالتووفيق